Na internet-aŭkcyjonie ebay pradajucca zdymki časoŭ Pieršaj suśvietnaj vajny.
Na prodaž vystaŭleny asobnyja zdymki niekališniaha albomu niejkaha niamieckaha vajskoŭca, što prachodziŭ słužbu ŭ 1916—1918 hadach na Paleśsi. Na fota adlustravanyja vyjavy horada Bieraście i sučasnych paleskich viosak Bieraściejskaj vobłaści: Stradzieč, Zabrodździe, Chabovičy, Ruchavičy, Zarečka, Jahminava. Halik, Jamnik, Vyhoda, Valanskaje voziera, Biełaziorski kanał, Sielišča, Dyvin, Drahičyn, Lepleŭka, Damačava.
Admietnaść zdymkaŭ ŭ tym, što na fota adlustravanyja šmat budynkaŭ, mohiłak i chramaŭ, jakija nie zachavalisia. My možam pabačyć pobyt tahačasnych palešukoŭ, siarod jakoha davodziłasia žyć kajzieraŭskim vajennym.
Kožny zdymak nieviadomy žaŭnier paznačyŭ podpisam na drukavanaj mašyncy. Vidać, što pamiać pra tuju vajnu była dla jaho značnaj. Pradaviec paličyŭ pieršačarhovy košt adnaho zdymkaŭ 5 jeŭra. Ale kab sabrać usiu kalekcyju, daviadziecca značna vydatkavacca.
Zdymki, što pakinuli nam vyjavy pobytu našych prodkaŭ, chutčej za ŭsio nie paŭstali b za časami Rasiejskaj Impieryi. Ni techničnych mahčymaściaŭ, ni cikavaści da ŭskrajkaŭ impieryi ŭ ruskich tady nie było.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć zhubić materyjały, jakija napracoŭvali hadami1
Kamientary