Z 1 krasavika MTIS i MTS pavysiać ceny na internet, ADSL.BY — panizić
Taksama na Dzień durnia taryfy pamianiajuć «Dziełavaja sieć» i «Kosmas TV».
Pravajdar MTIS paviedamiŭ pra pavyšeńnie cen na liniejcy bieźlimitnych internet-taryfaŭ «Je» z 1 krasavika.
Taryf «Je0» z chutkaściu 1 Mbit/s padaražaje z 69 da 85 tysiač na miesiac, «Je1» (2 Mbit/s) — z 99 da 105, «Je2» (4 Mbit/s) — sa 129 da 139, «Je3» (8 Mbit/s) — sa 159 da 179, «Je4» (16 Mbit/s) — sa 199 da 219 tysiač na miesiac.
Źmieniacca ceny i na inšyja pasłuhi suviazi. Padaražańnie nie pieravysić 25%. Akramia taho, na pasiedžańni kamisii pa pytańniach dziaržrehulavańnia cenaŭtvareńnia pry Saŭminie vyniesienaje pytańnie ab padvyšeńni cen na TV-taryfy na 18-22%. U vypadku ŭzhadnieńnia cen novyja TV-taryfy nabuduć siłu z 1 krasavika.
Taksama ab padvyšeńni cen na internet-taryfy z 1 krasavika paviedamiŭ MTS. Źmieny tyčacca niekatorych pasłuh pa taryfach «Chatni kanekt».
Taryf «Chatni kanekt 1» padaražaje na 35 tysiač rubloŭ da 135 tysiač na miesiac, «Chatni kanekt 2» — na 25 tysiač da 155 tysiač, «Chatni kanekt 3» — na 10 tysiač da 195 tysiač. Ceny na «Chatni kanekt 4» nie źmieniacca.
Jak śćviardžaje MTS, heta dazvolić apierataru zachavać jakaść pasłuh, a taksama nakiravać inviestycyi ŭ raźvićcio sietki.
Tym časam «Bielinfanet» (ADSL.BY) paviedamiŭ ab źnižeńni cen z 1 krasavika. Źmieny tyčacca taryfaŭ ź limitavanym trafikam, a taksama bieźlimitnaha taryfu «X10».
Taryfy «Maksimum 80» i «Maksimum 120» (80 i 120 Hb na maksimalnaj chutkaści) pataniejuć z 240 da 200 tysiač i z 360 da 280 tysiač adpaviedna. Taksama patanieje bieźlimitny taryf dla fizičnych asob «X10» — sa 156 da 150 tysiač. Padobny tarfy dla jurydyčnych asob, «Kiejs 10», patanieje z 360 da 300 tysiač na miesiac.
Čytajcie taksama: «Dziełavaja sieć» i «Kosmas TV» pavysiać internet-taryfy
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary