Tequilajazz i Lavon Volski źnialisia ŭ proma-videa kancertu Tonqixod.
Viadomyja rok-muzyki abjadnalisia dla taho, kab padtrymać pieršy vialiki solny kancert maładoha minskaha rok-hurta Tonqixod, uładalnika tytuła «Najlepšy rok-albom — 2014» na ŭznaharodach Experty.by. U roliku taksama źniaŭsia Siarhiej Filimonaŭ, aŭtar i viadučy prahramy «Vidźmo-nievidźmo».
Kancert źjaŭlajecca pryzam ad hramadskaj kampanii «Budźma biełarusami» za pieramohu ŭ naminacyi «Najlepšy biełaruskamoŭny albom» na ŭznaharodach Experty.by. Mierapryjemstva adbudziecca ŭ miežach akcyi «Žyvy tuzin», jakuju ładzić partał Tuzin.fm.
«Nie chaču pierachvalić, ale heta nadzieja našaj muzyčnaj sceny… Bo huk śviežy, vynachodlivy, mudrahielisty i ŭsio heta robiać maładyja chłopcy. Małajcy», – zaŭvažyŭ ŭ proma-roliku Siarhiej Filimonaŭ.
«Heta sapraŭdny biełaruski muzyčny brend. Usim raim pasłuchać. Pačnicie ź miehachita «Nasyplem hory»», – skazali ŭdzielniki Tequilajazzz Jaŭhien Fiodaraŭ i Alaksandr «Dusier» Voranaŭ.
Lavon Volski praanansavaŭ budučy kancert z dapamohaj asabista namalavanych tytraŭ.
Pieršy vialiki solny kancert Tonqixod adbudziecca ŭ hety paniadziełak – 20 krasavika. Hurt składajuć Uładź Lankievič (vakał, hitara), Maksim Subač (druhi vakał, kłavišnyja, bas) i Andrej Alaksiejenka (bubny). Na rachunku kalektyva pieramoha ŭ naminacyi «Debiut hoda» na premii «Dajom rady» (2014), a taksama čatyry ŭznaharody na premii Experty.by (2015) za dysk «Pradmova», vydadzieny ŭ śniežni 2014.
Pasłuchać albom možna tut.
Hurt TONQIXOD z prezientacyjaj alboma «Pradmova»
20 krasavika – Minsk, Respublikanski teatr biełaruskaj dramaturhii (Krapotkina 44) – 19.00
Kvitki: ad 80 da 120 tys. rub. Prodaž: Ticketpro.by, Kvitki.by, Bileti.by, Bycard.by, a taksama ŭ kasie teatra.
Infalinija: (029) 687 20 93. Kasa teatra: (017) 385 97 51, (029) 154 04 44.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary