Cana na rasijski haz dla Biełarusi ŭ 2016 hodzie moža skłaści ad 135 da 140 dalaraŭ za 1 tys. kub. m, paviedamiŭ u intervju prahramie «Kontury» telekanała ANT, pakazanym viečaram 20 śniežnia, pasoł RF u Minsku Alaksandr Surykaŭ.
«U nas ceny na enierhanośbity dla Biełarusi, jak heta naležyć najbližejšym partnioram i partnioram pa Jeŭrazijskim ekanamičnym sajuzie, — unutryrasijskija, — padkreśliŭ dypłamat. — Ja dumaju, što niejkija zruchi jašče mohuć być pa hazie, na niejkuju kolkaść dalaraŭ. Zaraz 142 dalary za tysiaču kubamietraŭ. Mahčymaje ŭ rajonie ad 140 da 135 dalaraŭ. Ruch na suśvietnych rynkach idzie ŭniz. I pa nafcie mahčymyja niejkija damoŭlenaści».
Jak zaznačyŭ Surykaŭ, «asnovatvornyja i kanceptualnyja damoŭlenaści — jany prosta isnujuć, i pa ich viadziecca praca, a nievialikija detali, źviazanyja sa skidkami, nacenkami, — heta pradmiet abmierkavańnia».
Nahadajem, 18 śniežnia namieśnik ministra enierhietyki Biełarusi Vadzim Zakreŭski paviedamiŭ, što baki praciahvajuć pieramovy ab źnižeńni ŭ 2016 hodzie cany na miažy za haz, jaki pastaŭlajecca ŭ Biełaruś. «Zaraz idzie abmierkavańnie, kansultacyi z rasijskim bokam ab źnižeńni koštu hazu na miažy. Toje, što ŭ nas jość padstavy pra heta kazać, — heta fakt. Ja spadziajusia, źnižeńnie składzie pryblizna 10 dalaraŭ (za 1 tys. kubamietraŭ), niedzie tak», — skazaŭ Zakreŭski.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary