Były francuzski bijatłanist Rafael Puare raskazaŭ narviežskamu Dagbladet pra toje, jak padpisvaŭ kantrakt, uładkoŭvajučysia pracavać trenieram u zbornuju Biełarusi ŭ 2012 hodzie, i čamu zaviaršyŭ supracoŭnictva.
Dla padpisańnia kantraktu francuz sustrakaŭsia sa staršynioj KDB Biełarusi Vadzimam Zajcavym, jaki ŭ toj čas uznačalvaŭ Fiederacyju bijatłona Biełarusi.
«My sustrelisia ŭ bary. Vakoł nas byli ciełaachoŭniki sa zbrojaj. Kali ty abmiarkoŭvaješ kantrakt u Biełarusi, to treba vypić harełki. Praź dźvie hadziny my abodva byli pjanymi.
Jon skazaŭ mnie: «Ty nie dumaj, što KDB ciapier taki, jak raniej. My bolš nie zabivajem ludziej». Ja padumaŭ: «Dobra». My pili harełku i abmiarkoŭvali teraryzm i ŭsio zapar. Heta było krychu niezvyčajna.
Mnie treba było pabudavać kamandu dla budučyni. Ale jany chacieli stać čempijonami śvietu za adzin dzień. Heta było niemahčyma. Paśla hoda majoj pracy ničoha nie źmianiłasia. Usie byli nastrojeny suprać mianie.
Biełaruś — kraina, jakaja na 15—20 hadoŭ zzadu nas. Jany bajalisia novych vyprabavańniaŭ, kali ja pradstaviŭ prahramu pieramienaŭ. Šef KDB byŭ taksama zvolnieny, tamu što padtrymlivaŭ mianie. Heta byŭ cikavy dośvied», — raspavioŭ Puare.
Ciapier čytajuć
Jak kłan Łukašenki atrymaŭ dolu ŭ biełaruskim Wildberries i miljonnyja dyvidendy2
Jak kłan Łukašenki atrymaŭ dolu ŭ biełaruskim Wildberries i miljonnyja dyvidendy
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5555
Kamientary