EHU maje namier abskardzić u sudzie vyniki aŭdytu, praviedzienaha Paŭnočnaj Radaj
Jeŭrapiejski humanitarny ŭniviersitet maje abskardzić vyniki aŭdytu, praviedzienaha mižnarodnaj kampanijaj Deloitte na zamovu Rady ministraŭ skandynaŭskich krain.
Pra heta havorycca ŭ zajavie En Łonsdejł, v.a. staršyni Kiroŭnaj rady Jeŭrapiejskaha humanitarnaha ŭniviersiteta.
«Jak atrymalnik mižnarodnaj donarskaj dapamohi, univiersitet, naturalna, pavinien prademanstravać donaram, što jaho apieracyi jość prazrystymi i ekanamična efiektyŭnymi — praz publikacyju štohadovych spravazdačaŭ (što naŭrad ci ŭłaściva lubomu inšamu ź biełaruskich univiersitetaŭ), mižnarodnyja pracedury zabieśpiačeńnia jakaści dy niezaležny aŭdyt. Što tyčycca apošniaj spravazdačy, zamoŭlenaj Radaj ministraŭ Paŭnočnych krain i vykananaj litoŭskim pradstaŭnictvam «Deloitte» … [na svaje] piarečańni my nie atrymali nijakaha adkazu: ni ad litoŭskaha pradstaŭnictva Deloitte, ni ad Rady ministraŭ Paŭnočnych krain», — piša Łonsdejł.
Jana adznačaje, što ŭniviersitet kirujecca paradami vašynhtonskaj jurydyčnaj firmy «Akin Gump Strauss Hauer & Feld LLP».
Zajavu Łonsdejł u siabie ŭ fejsbuku rezka raskrytykavaŭ były prarektar EHU Darus Udrys:
«Musić, u ich šmat hrošaj, kab marnavać ich na advakataŭ, — iranizuje Udrys. — Ja jašče raz pytajusia vas, členy borda EHU: heta robicca dla dabra EHU ci dla prykryćcia taho razvału, da jakoha pryvioŭ toj fakt, što vy nie ažyćciaŭlali naležnaha kantrolu?» — pytajecca były prarektar.
Nahadajem, što Rada ministraŭ Paŭnočnych krain (Nordic Council) była asnoŭnym donaram univiersiteta, jaki ŭnosiŭ u jaho biudžet kala 1,5 miljona jeŭra štohod. Niadaŭna stała viadoma pra rašeńnie spynić hetaje finansavańnie. Siarod pryčyn cytujucca ŭnutranyja padzieły va ŭniviersitecie. Hetamu rašeńniu Paŭnočnaj rady papiaredničaŭ praviedzieny na jaje zamovu aŭdyt, jaki vyjaviŭ mahčymyja złoŭžyvańni administracyjaj ustanovy.
Hałoŭnaja pretenzija aŭdytaraŭ była, jak raniej i ŭ biełaruskaj hramadzianskaj supolnaści, da niezrazumiełaha vybaru rektara. U jakaści kiraŭnika ŭniviersiteta byŭ zaprošany amierykaniec, jaki nie viedaje ni rasiejskaj, ni biełaruskaj movaj i raniej nijak nie mieŭ dačynieńnia da Biełarusi. Tolki ŭ jakaści v.a. abaviazkaŭ rektara jon atrymaŭ bolš za 200 tysiač jeŭra, nie ličačy vydatkaŭ na padarožžy, zdym žytła dy inšaje, u tym liku «fotazdymki».
EHU spadziajecca zachavać padtrymku inšych donaraŭ, siarod jakich Jeŭrapiejskaja Kamisija, Fond «Adkrytaje hramadstva» (Sorasa), šviedskaje ŭradavaje ahienctva SIDA.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary