Piać draŭlanych chramaŭ Bieraściejščyny prapanujuć unieści ŭ śpis JUNIESKA
Piać draŭlanych cerkvaŭ Bresckaj vobłaści prapanujecca ŭnieści ŭ śpis Suśvietnaj kulturnaj spadčyny, paviedamiŭ karespandentu BiełTA namieśnik načalnika ŭpraŭleńnia kultury hałoŭnaha ŭpraŭleńnia ideałahičnaj raboty, kultury i pa spravach moładzi abłvykankama Viačasłaŭ Harbuzaŭ.
Sumiesna ź Biełaruskaj pravasłaŭnaj carkvoj budzie praviedziena rabota pa padrychtoŭcy naminacyjnaha daśje na ŭklučeńnie ŭ śpis JUNIESKA abjektaŭ kultavaha draŭlanaha dojlidstva Paleskaha rehijona. U zajaŭku płanujecca ŭnieści try biaźviežavyja chramy: Nikickuju carkvu ŭ vioscy Ździtava Žabinkaŭskaha rajona, carkvu Paraskievy Piatnicy ŭ vioscy Źbirahi i Michajłaŭskuju carkvu ŭ vioscy Čersk Bresckaha rajona.
Vialikuju kaštoŭnaść ujaŭlajuć Michajłaŭskaja carkva ŭ vioscy Ściapanki Žabinkaŭskaha rajona (typ baziliki), a taksama dvuchviežavaja carkva Paraskievy Piatnicy sa zvanicaj u vioscy Dzivin Kobrynskaha rajona.
«Kožny z hetych draŭlanych chramaŭ, pabudavanych u XVII—XVIII stahodździach, unikalny pa svajoj sutnaści. Jany źviedali minimalnaje ŭmiašańnie ŭ kanstrukcyi, zachavaŭšy svoj pieršapačatkovy vyhlad, i adlustroŭvajuć rysy miascovaj architekturnaj škoły», — padkreśliŭ Viačasłaŭ Harbuzaŭ i dadaŭ, što dla ŭklučeńnia cerkvaŭ u śpis Suśvietnaj kulturnaj spadčyny śpiecyjalistam treba pravieści doŭhuju i skrupuloznuju pracu. U pryvatnaści, nieabchodna sabrać archiŭnyja materyjały, vyvučyć ahulnyja i admietnyja rysy dojlidstva biełaruskaha Paleśsia ad ukrainskaha i polskaha, z dapamohaj mižnarodnych ekśpiertaŭ padrychtavać navukovaje abhruntavańnie prajekta. Kompleksny płan raboty budzie zaćvierdžany na kaardynacyjnaj radzie pa zachavańni historyka-kulturnaj spadčyny Bresckaj vobłaści. Zajaŭku na razhlad u Kamitet suśvietnaj spadčyny miarkujecca padać da 2020 hoda. Biełarusy majuć namier padłučycca da naminacyi achovy draŭlanaha dojlidstva, u jakoj užo značacca abjekty Polščy i Słavakii.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu4
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8585
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie85
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary