U efiry ANT vyjšła pieradača «Sprava pryncypu» ź viadučym Vadzimam Hihinym. Na hety raz temaj pieradačy stała praca novaha sklikańnia parłamienta.
Siarod haściej pieradačy była deputatka ad AHP Hanna Kanapackaja, jana pryjšła na efir ź bieł-čyrvona-biełym značkam. Kanapackaja kazała, što pieršy tydzień pracy ŭ parłamiencie nie nadaŭ joj aptymizmu adnosna taho, ci budzie parłamient nasamreč inicyjatyŭnym. Taksama deputatka kazała pra palapšeńnie biznes-klimatu dla pavyšeńnia kolkaści zamiežnych inviestycyj u našu krainu.
Praź imhnieńnie, niby byk na čyrvonuju anuču, na Kanapackuju nakinuŭsia palitołah, staršynia naziralnaj rady Biełaruskaha kamiteta moładzievych arhanizacyj Vadzim Baravik, jaki pačaŭ kryčać, što zusim niadaŭna AHP vystupała za sankcyi suprać biełaruskich čynoŭnikaŭ. U efir byŭ puščany vielmi krasamoŭny epitet Vadzima Baravika adnosna ES — «srany».
I heta robicca ŭ toj čas, kali ministr zamiežnych spravaŭ Biełarusi Uładzimir Makiej niadaŭna naviedaŭ Varšavu z metaj palapšeńnia adnosin ź Jeŭrasajuzam. I tut takija vykazvańni ad pradstaŭnika praŭładnaj arhanizacyi na dziaržaŭnym telebačańni.
U druhoj častcy pieradačy Vadzim Hihin sprabavaŭ vybić z Hanny Kanapackaj, ci ličyć jana siabie sapraŭdy abranaj, ci nie. Kanapackaja adkazała, što tatalnaha nazirańnia pa ŭčastku nie było, tamu jana nie viedaje, ci sapraŭdy była abranaja.
Kanapackuju padtrymała eks-deputatka Volha Abramava, jakaja skazała, što taksama nie viedaje, ci była jana abranaja ŭ 2000 hodzie, bo sistema vielmi zakrytaja.
Na heta pačaŭ znoŭ pa-chamsku adkazvać Vadzim Baravik. «Vy — demahoh, tak dyskusiju vieści nielha. Navučyciesia prystojnym pavodzinam», — adkazała Abramava.
Dastatkova abraźlivyja vykazvańni ŭ adras Abramavaj paśla hetaha dapuściŭ lidar ŁDPB Siarhiej Hajdukievič, jaki skazaŭ, što Abramava prymazvajecca da apazicyi, kab «lahčej było atrymlivać hranty».
-
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU, a apošnija miesiacy atrymlivaŭ pahrozy paśla taho, jak pačaŭ vyśmiejvać Kadyrava
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy31
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary