Mižvajennyja historyki nie pamylalisia, archieołahi paćvierdzili ich hipotezy.
Padčas rabot pa dobraŭparadkavańni placoŭki na hary Hiedymina ŭ Vilni archieołahi znajšli pareštki čatyroch čałaviek, paviedamlaje Delfi.
Jość zdahadka, što heta mohuć być pareštki ŭdzielnikaŭ paŭstańnia 1863—1864 hadoŭ.
«Padčas daśledavańniaŭ my vyjavili pachavańni piaci čałaviek, ale całkam adkryli i daśledavali dva. U pieršym pachavańni my znajšli pareštki adnaho čałavieka, a druhoje pachavańnie — hrupavoje, u im znojdzienyja pareštki troch čałaviek», — śćviardžaje ŭ pres-relizie staršy navukovy supracoŭnik adździeła Siarednich viakoŭ i Novaha času Nacyjanalnaha muzieja Litvy, archieołah Arunas Kalejus.
Pa słovach archieołaha, pareštki byli pachavanyja sa źviazanymi za śpinaj rukami, biez trunaŭ, jany byli zasypanyja vapnaj.
Pobač z pareštkami adnaho z pachavanych znojdzieny srebny miedaljon, jaki byŭ vyrableny ŭ siaredzinie XIX stahodździa. Hetaja znachodka dazvalaje archieołaham vyłučyć hipotezu, što pachavańni zroblenyja nie raniej za druhuju pałovu XIX stahodździa. Archiŭnyja dakumienty pakazvajuć, što hetyja pareštki ŭžo byli znojdzienyja ŭ 1915—1916 hadach.
Tamu zroblenaja zdahadka, što heta mohuć być pareštki ŭdzielnikaŭ paŭstańnia suprać carskich uładaŭ Rasii 1863—1864 hadoŭ, pakaranych śmierciu ŭ Vilni, na Łukiškskaj płoščy.
U 1863—1864 hadach na Łukiškskaj płoščy byŭ pakarany praz paviešańnie abo rasstralany 21 udzielnik paŭstańnia, u tym liku i lidary paŭstancaŭ — Zyhmunt Sierakoŭski i Kastuś Kalinoŭski.
-
Sałaŭjoŭ abvinavaciŭ Ksieniju Sabčak i jaje maci Narusavu ŭ dziaržzdradzie
-
Perys Chiłtan damahłasia zakryćcia elitnaj škoły, u jakoj jana vučyłasia i ŭ jakoj ździekavalisia ź dziaciej
-
Sikorski pra mahčymy napad rasijan na Polšču: Jany niešta rychtujuć, hetak sama, jak heta było pierad uvarvańniem va Ukrainu
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary