Dzikija afrykanskija słany śpiać mienš za inšych sysunoŭ, vyśvietlili navukoŭcy z Univiersiteta Vitvatersranda ŭ PAR.
U zaaparkach słanoŭ vyvučajuć daŭno. U niavoli hetyja žyvieły śpiać pa 4-6 hadzin. Adnak na voli jany pravodziać u śnie značna mienš času, piša VVS.
Daśledčyki ŭ Batsvanie ŭžyvili pad skuru dźvium słanicham trekiery, z dapamohaj jakich im udałosia adsačyć, kali žyvioły śpiać.
Słanicham taksama nadzieli ašyjniki z hiraskopami. Jany dapamahli vyśvietlić, u jakich pozach śpiać žyvioły.
Za słanichami nazirali piać tydniaŭ. Časam jany nie spali pa niekalki dzion. Za hety čas žyvioły pieraadolvali vialikija adlehłaści, mahčyma, ratujučysia ad brakańjeraŭ abo paźbiahajučy lvoŭ.
Słany pravodziać vielmi mała času ŭ fazie chutkaha snu, jakaja charaktaryzujecca padvyšanaj aktyŭnaściu hałaŭnoha mozhu.
Padčas fazy chutkaha snu ŭsie ciahlicy rassłablajucca, i spać možna tolki ležačy. Vyśvietlić, što słany vielmi mała času pravodziać u hetaj fazie, dapamahli hiraskopy.
Niekatoryja navukoŭcy ličać, što faza chutkaha snu hraje vialikuju rolu ŭ farmavańni pamiaci. Hetaja teoryja ŭjaŭlajecca sprečnaj, kali słany sapraŭdy pravodziać u hetaj fazie vielmi mała času — u ich jak raz dobraja pamiać, adznačaje prafiesar Poł Manhier, adzin z daśledčykaŭ.
Manhier kaža, što karotki son słanoŭ tłumačycca ich pamierami: «My mierkavali, što słany pavinny być samymi čujnymi žyviołami, tamu što jany vialikija».
«Čamu tak atrymlivajecca, my nie viedajem. Son — heta adna z samych niezvyčajnych tajamnic bijałohii razam z patrebaj u ježy i razmnažeńniem, heta bijałahičny impieratyŭ. My pavinny spać, kab vyžyć», — dadaje jon.
Jak praviła, bujnyja sysuny śpiać mienš, čym žyvioły nievialikaha pamieru. Naprykład, laniŭcy śpiać u siarednim 14 hadzin u sutki, a čałaviek — 8 hadzin. Jak słanam udajecca vyžyvać, pravodziačy ŭ śnie tolki dźvie hadziny ŭ sutki, pakul zastajecca tajamnicaj.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary