Jašče z antyčnych časoŭ ličyłasia, što ziaziuli pieranosiać svaje jajki ŭ dziubie i tak padkidajuć ich u hniozdy inšych ptušak. Adnak novaje daśledavańnie pakazała, što heta nie tak. Navukoŭcy zmahli ŭpieršyniu niepasredna zafiksavać na videa, jak hetyja ptuški sapraŭdy adkładajuć jajki, piša vydańnie Phys.org.
Daśledavańnie, vyniki jakoha byli apublikavanyja ŭ časopisie Animal Behaviour, pravodziła mižnarodnaja hrupa arnitołahaŭ pad kiraŭnictvam Robierta Tomsana ŭ Kiejptaŭnskaha ŭniviersiteta (PAR) i Tomaša Hryma z Astraŭskaha ŭniviersiteta (Čechija). Jany nazirali za pavodzinami ziaziul u Finlandyi na praciahu niekalkich siezonaŭ i zafiksavali bolš za 60 vypadkaŭ adkładańnia imi jajek.
Asablivaść u tym, što ziaziuli sapraŭdy padkidajuć jajki ŭ hniozdy inšych ptušak, naprykład tych, jakija žyvuć u dupłach dreŭ. Ale pry hetym jany vykarystoŭvajuć dźvie roznyja stratehii, siarod jakich niama prynosu jajek na miesca ŭ dziubie.
U adnych vypadkach samka adkładaje jajka prosta kala ŭvachodu ŭ hniazdo, paśla «zakidajučy» jaho ŭsiaredzinu. U inšych — załazić u dupło i adkładaje jajka niepasredna ŭnutry.
Kožny sposab maje svaje plusy i minusy. Kali adkładać zvonku — mienšaja ryzyka apynucca ŭ pastcy, ale možna pramachnucca. Kali załazić usiaredzinu — jajka traplaje dakładna kudy jamu treba, ale dla ptuški jość niebiaśpieka zachrasnuć u duple abo paškodzić hniazdo.
Hałoŭnaja vysnova daśledavańnia — ziaziuli nie pieranosiać jajki ŭ dziubie, a adkładajuć ich adrazu ŭ hniazdo ptuški-haspadyni. Raniejšy mif žyŭ tysiačahodździami, bo nazirać za pavodzinami ziaziul było vielmi składana.
Navukoŭcy adznačajuć, što ich adkryćcio dapamahaje lepš zrazumieć, jak roznyja vidy prystasoŭvajucca adzin da adnaho ŭ pryrodzie, i śviedčyć, što navat u nibyta dobra vyvučanych žyvioł mohuć adkryvacca niečakanyja asablivaści pavodzin.
Ryś, jakaja hulaje, miadźviedź i fłaminha na fonie pravadoŭ. Za kaho hałasavali hledačy na konkursie «Fatohraf dzikaj pryrody hoda»
«Ja nazyvaju ich «maleńkija Rabavy». Jak paŭliny pad Minskam pradkazvajuć nadvorje
Klaščy — ich ulubionaja ježa. Navukoŭcy paćvierdzili efiektyŭnaść hetych ptušak u zmahańni ź niebiaśpiečnymi nasiakomymi
Viasnovyja subotniki na bierahach: što ź imi nie tak?
Impieratarskaha pinhvina i antarktyčnaha marskoha kocika pryznali vidami pad pahrozaj źniknieńnia
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary