Z 30 sakavika pa 2 krasavika ŭ kinateatry «Biełaruś» adbuducca pakazy druhoha poŭnamietražnaha filma biełaruskaha režysiora Mikity Łaŭreckaha «Kachańnie i partniorstva», adznačanaha dypłomam žury «Za adčuvańnie času» na 23-m Minskim mižnarodnym kinafiestyvali «Listapad».
Sam aŭtar nazyvaje svoj film ramantyčnaj kamiedyjaj, ale nie varta čakać ad jaho dramaturhičnych chadoŭ, jakija i tak nabili askominu. Siužet karciny, na pieršy pohlad, prosty: małady chłopiec Ihar razam sa svajoj dziaŭčynaj adpraŭlajucca na vychadnyja ŭ rodny Viciebsk. Jany naviedvajuć jaho siamju, pa horadzie špacyrujuć, i Ihar zapisvaje ŭsio heta na kamieru dla svajho videabłoha. Adnak za prostaj historyjaj chavajecca prablema maralnaha vybaru ŭ štodzionnych situacyjach. «…Usio heta vyhladaje jak kavałki čyjhości žyvoha žyćcia, i tamu ŭsie hłabalnyja temy ab samarealizacyi i kachańni, jakija chavajucca na ich fonie, vyhladajuć absalutna nieznarok, biez pafasnaj pošłaści», — piša pra film Lidzija Michiejeva ŭ «Biełaruskim časopisie».
Premjera karciny adbyłasia na MMKF «Listapad-2016», dzie režysior sam prezientavaŭ film publicy: «Hałoŭnaj metaj dla mianie było źniać kino pra kachańnie. Chočacca, kab u śviecie było bolš zdarovych, vysokamaralnych adnosin. U maim filmie hieroj kłapocicca ab svajoj kachanaj, a jana jaho padtrymlivaje ŭ ciažkuju chvilinu. Mabyć, heta i jość sapraŭdnaje kachańnie».
Mikita Łaŭrecki — adzin z najbolš jarkich maładych biełaruskich režysioraŭ, jaki zdymaje ŭ žanry mambłkor (raznavidnaść niezaležnaha kiniematohrafa, dla jakoj ułaścivyja nizki biudžet, udzieł nieprafiesijnych akcioraŭ i naturalnaść dyjałohaŭ). Paśla niekalkich karotkamietražnych rabot Łaŭrecki debiutavaŭ u poŭnamietražnym kino ŭ 2015 hodzie filmam «Biełaruski psichapat», jaki staŭ pieramožcam Nacyjanalnaha konkursu «Listapada», a taksama ŭziaŭ udzieł u mižnarodnym kinafiestyvali ŭ Visbadenie (Hiermanija).
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary