Mižnarodny viełakarnavał «Viva rovar — 2017» projdzie ŭ staličnym parku Pieramohi 13 maja, paviedamiŭ BIEŁTA vykanaŭčy dyrektar HA «Biełaruskaja fiederacyja viełasportu» Alaksiej Ivanoŭ.
Dla ŭdziełu ŭ mierapryjemstvie ŭžo zarehistravalisia bolš za 7,5 tys. čałaviek, u tym liku z Rasii, Šviecyi, Ukrainy, Estonii, Litvy, Łatvii. Kałona startuje ŭ 15.00 ad steły «Minsk — horad-hieroj» i prajedzie pa praśpiekcie Pieramožcaŭ da «Minsk-areny» i nazad. Zatym u parku Pieramohi adbudziecca śviatočnaja prahrama, budzie arhanizavana bolš za 30 zabaŭlalnych placovak, u tym liku dla dziaciej. Dla haściej vystupiać Dźmitryj Kałdun, Juzary, hurt «Bieź bileta» i inš.
«Rehistracyja na internet-staroncy viełakarnavału jašče praciahvajecca. Akramia taho, budzie dastupnaja rehistracyja na miescy zboru ŭ parku Pieramohi. Čakajem udziełu nie mienš za 10 tysiač čałaviek, u 2016-m hodzie viełakarnavał sabraŭ bolš za 9 tysiač», — adznačyŭ Alaksiej Ivanoŭ.
Jak paviedamili ŭ HUUS Minharvykankama, 13 maja z 14.30 da 16.00 budzie zakryty ruch usich vidaŭ transpartu pa pr. Pieramožcaŭ na ŭčastku ad pr. Mašerava da vuł. Naračanskaj, a taksama pa pr. Mašerava na ŭčastku ad vuł. da vuł. Daŭmana. Kiroŭcam rekamiendujecca zahadzia płanavać maršrut svajho ruchu.
Pieršy minski viełaparad adbyŭsia ŭ stalicy ŭ 2015 hodzie. Sioleta arhanizatary vyrašyli zrabić śviata jašče bolš maštabnym i jarkim — jamu nadadzieny mižnarodny status. Udzielničać u viełakarnavale mohuć usie achvotnyja: arhanizacyi, kłuby, kamandy, viełaamatary. Siarod tych, chto atrymaŭ startavyja numary, razyhrajuć pryzy, hałoŭnyja ź jakich — try rovary. Čym bolš jaskravymi i aryhinalnymi buduć kaściumy ŭdzielnikaŭ i afarmleńnie rovaraŭ, tym bolš zapaminalnaj atrymajecca majučaja adbycca padzieja.
Arhanizatarami mierapryjemstva vystupajuć Ministerstva sportu i turyzmu, Minharvykankam, Biełaruskaja fiederacyja viełasportu, viełakłub «Minsk», Minskaje viełatavarystva.
Kamientary