Situacyja ŭ Siryi kardynalna palepšyłasia paśla padpisańnia ŭ Astanie miemaranduma ab stvareńni zon deeskałacyi. Pra heta paviedamiŭ žurnalistam načalnik Hałoŭnaha apieratyŭnaha ŭpraŭleńnia Hienštaba VS RF hienierał-pałkoŭnik Siarhiej Rudski, pieradaje TASS.
«Kardynalna ŭ lepšy bok źmianiłasia situacyja paśla padpisańnia 4 maja 2017 hoda ŭ Astanie miemaranduma ab stvareńni zon deeskałacyi na terytoryi Siryjskaj Arabskaj Respubliki. Faktyčna spynienaja hramadzianskaja vajna ŭ Siryi», — skazaŭ Rudski.
Pavodle jaho słoŭ, uvod u dziejańnie miemaranduma dazvoliŭ razharnuć pracu pa adnaŭleńni razburanych vajnoj nasielenych punktaŭ, nie zaniatych terarystyčnymi arhanizacyjami. «Ramantujucca škoły, kab maksimalnaja kolkaść dziaciej mahła praciahnuć navučalny praces. Tolki za minuły miesiac pa linii mižnarodnych arhanizacyj u ich nakiravana 14 humanitarnych kanvojaŭ, što značna palepšyła stanovišča nasielnictva», — adznačyŭ hienierał.
Jon taksama paviedamiŭ, što paśla adkryćcia humanitarnaha kalidora Al-Vafidejn, arhanizavanaha pry ŭdziele rasijskaha Centra pa prymireńnia varahujučych bakoŭ, va Uschodniuju Hutu pačała pastupać humanitarnaja dapamoha pa linii AAN, a taksama Mižnarodnaha Kamiteta Čyrvonaha Kryža i Čyrvonaha Paŭmiesiaca. «Heta dazvoliła źnizić ceny na asnoŭnyja pradukty charčavańnia ŭ pryharadzie Damaska na 30-60%», — skazaŭ Rudskoj.
Jon paviedamiŭ, što pahadnieńni ab spynieńni ahniu padpisanyja z pradstaŭnikami 1571 nasielenaha punkta. Akramia taho, u ciapierašni čas da režymu spynieńnia bajavych dziejańniaŭ dałučyłasia 219 atradaŭ uzbrojenaj apazicyi.
Rudski taksama dadaŭ, što hrupoŭki bajevikoŭ terarystyčnaj arhanizacyi «Isłamskaja dziaržava» pad Palmiraj i Dejr-ez-Zoram uzmacniajucca z-za dziejańniaŭ mižnarodnaj kaalicyi.
«U toj ža čas značnych vynikaŭ baraćby ź ID kaalicyi, jakuju ŭznačalvaje ZŠA, my nie bačym. Pradekłaravaŭšy metu baraćby ź mižnarodnym teraryzmam, kaalicyja nanosić udary pa siryjskich vojskach, bieśpieraškodna vypuskaje bajevikoŭ ID z rajonaŭ akružeńnia, uzmacniajučy hrupoŭki terarystaŭ u rajonach Palmiry i Dejr-ez-Zora. Chočacca zadać pytańnie: navošta jany heta robiać, i jakija realnyja mety pieraśledujuć?» — skazaŭ hienierał.
Bolš za 6,8 tys. bajevikoŭ i členaŭ ich siemjaŭ, pa słovach Rudskoha, vyjšli pa humanitarnych kalidorach z Damaska.
«Kab paźbiehnuć strat siarod mirnaha nasielnictva, była praviedziena apieracyja pa vyvadzie bajevikoŭ i členaŭ ich siemjaŭ z pryharadaŭ Damaska i Chomsa, praviedzienaja pry ŭdziele aficeraŭ rasijskaha Centra pa prymireńnia varahujučych bakoŭ. U chodzie hetaj apieracyi z pryharadaŭ siryjskaj stalicy Barza i Kabun ŭ pravincyju Idlib vyviezieny 1853 bajevika i 5012 členaŭ ich siemjaŭ», — skazaŭ jon.
Pa jaho słovach, pakinutyja bajevikami budynki praviarajucca sapiorami na najaŭnaść vybuchovaniebiaśpiečnych pradmietaŭ. Paralelna viadziecca adnaŭleńnie abjektaŭ žyćciezabieśpiačeńnia i sacyjalnaj infrastruktury. «Žychary hetych rajonaŭ viartajucca da mirnaha žyćcia», — raspavioŭ Rudski.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary