Ckandalnaja lekcyja dla rajonnych ideołahaŭ u Niaśvižskim rajvykankamie aburyła internaŭtaŭ. «Naša Niva» pacikaviłasia ŭ tavarystva «Viedy», jakoje adkazvaje za ideałahičnuju rabotu ŭ krainie, jakimi kryteryjami jany kirujucca pry sielekcyi śpikieraŭ — žonka lektara Andreja Ivanova skazała, što jon, maŭlaŭ, pracuje ciapier mienavita ŭ «Viedach».
Čytajcie: «Z 1991 hoda naša kraina akupavanaja». U internet trapiła šakujučaje VIDEA sieminara dla biełaruskich ideołahaŭ
U centralnym aparacie «Viedaŭ» ad Ivanova rašuča adchryścilisia, zajaviŭšy, što takich rabotnikaŭ u ich dakładna niama — nakiravali z pytańniami ŭ abłasnoje adździaleńnie.
My dazvanilisia da pieršaha namieśnika staršyni «Viedaŭ» Ihara Linkina, jaki kuryruje rabotu pa Minskaj vobłaści.
«Tak, ja viedaju takoha čałavieka, — skazaŭ jon. — Ale jon stała nie pracuje ŭ nas, jon volnaja ptuška, časam pryciahvaŭsia da lekcyj».
Ale chto jaho pryciahvaŭ?
«Nie pamiataju. Byvaje ž takoje, što i sami vykankamy zaprašajuć kahości vystupać. Ale mahu dakładna skazać, što ŭ abłvykankamach jon nie vystupaŭ. I ŭ pryncypie, mo hady z dva jon užo nie zajmajecca takimi vystupami», — raskazvaje Linkin.
Jakimi viedami treba vałodać, kab, jak i Ivanoŭ, pačać čytać lekcyi ideołaham?
Linkin tłumačyć, što «usio vyrašajecca paśla piersanalnaj razmovy», maŭlaŭ, «časam treba niejkija słovy prezidenta rastłumačyć».
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary