Vyratavalny departamient zvolniŭ 12 svaich supracoŭnikaŭ u Ida-Viruskim paviecie z-za niedastatkovaha vałodańnia imi estonskaj movaj, paviedamlaje ERR.
U kiraŭnictvie departamienta rašeńnie patłumačyli tym, što supracoŭniki nie zmahli palepšyć svaje viedy dziaržaŭnaj movy z 2010 hoda.
Adzin sa zvolnienych — Andrej Afanaśjeŭ, prapracavaŭ pažarnym amal čverć stahodździa. Pavodle jaho słoŭ, usio pačałosia z moŭnych kursaŭ u minułym hodzie ŭ Kochtła-Jarve.
«Adzin z navučencaŭ-pažarnych ŭstaŭ i skazaŭ, što nam nie patrebna estonskaja mova. Tut žyvie vielmi mała estoncaŭ, i mova nam praktyčna nie patrabujecca. Nastaŭnica pakryŭdziłasia, paskardziłasia Ministerstvu adukacyi, praź Ministerstva adukacyi, mabyć, pryjšoŭ zahad užyć niejkija miery», — rastłumačyŭ jon.
Kiraŭnictva vyratavalnaha centra paćvierdziła, što pryčynaj zvalnieńnia źjaŭlajecca niaviedańnie dziaržaŭnaj movy. «Pryčyna zvalnieńnia zaklučajecca ŭ tym, što dla ratavalnikaŭ zakonam ustanoŭleny moŭnyja patrabavańni, jakija adpaviadajuć katehoryi estonskaj movy B1. Hetyja 12 rabotnikaŭ, ź jakimi my spyniajem pracoŭnyja adnosiny z 29 sakavika, praktyčna nie vałodajuć estonskaj movaj», — skazaŭ kiraŭnik centra Ajłar Cholcman.
Pavodle jaho słoŭ, z 2010 hoda vyratavalny centr arhanizoŭvaŭ štohadovyja moŭnyja kursy i za vosiem hadoŭ vydatkavaŭ na heta krychu bolš za 70 000 jeŭra. U vyniku 23 čałavieki zmahli zdać ekzamien na B1, a pa čatyry vyratavalniki zdali ekzamien na B2 i S1.
Afanaśjevu da piensii za vysłuhu hadoŭ zastavałasia zusim niašmat, ale ciapier jamu pryjdziecca prosta šukać inšuju pracu. «Na biržu ŭstavać. Ustanu na biržu i budu šukać pracu. Što rabić», — skazaŭ pažarny.
Siarod tych, chto trapiŭ pad zvalnieńnie — adzin piensijanier pa staraści, siamiora atrymlivajuć piensiju za vysłuhu hadoŭ i čaćviora pieradpiensijnaha ŭzrostu.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?7
Kamientary