Mieduniviersitet nie budzie patrabavać $450 sa studentki, jakaja vałancioryła ŭ Hvatemale
Minski mieduniviersitet bolš nie patrabuje ad studentki 4-ha kursa Hanny Płatnickaj, jakaja ŭletku dva miesiacy pracavała vałanciorkaj u Hvatemale, apłacić 980 rubloŭ za adpracoŭki prapuščanych zaniatkaŭ i praktyki. Paśla publikacyi na Jeŭraradyjo Płatnickuju vyklikali na razmovu ŭ dekanat piedyjatryčnaha fakulteta, dzie jana vučycca. Suma vypłaty istotna źmienšyłasia.
«Padčas razmovy z dekanam ja daznałasia, što mnie treba apłacić nie 144 hadziny praktyki, a 4. Heta našmat mienš. A za prapuščany tydzień zaniatkaŭ zapłacić usio adno daviadziecca».
Hanna Płatnickaja pracavała jak małady miedyk-vałancior u klinicy Health&Help, jakaja znachodzicca ŭ vioscy Čuinachtachujub u Hvatemale. Jana vyjechała tudy 2 lipienia, kali navučalny hod jašče nie skončyŭsia, ale, pa jaje słovach, damoviłasia pra svaju adsutnaść z dekanatam.
Pa viartańni z Hvatemały studentka daviedałasia pra zapazyčanaść pierad univiersitetam. 14 vieraśnia dziaŭčyna pabyvała na sustrečy ŭ rektaracie, dzie joj paćvierdzili: vałanciorskaja praca ŭ haračaj kropcy — niaŭvažlivaja pryčyna dla propuskaŭ. A adpracoŭki prapuščanych zaniatkaŭ u BDMU płatnyja.
Dekan piedyjatryčnaha fakulteta BDMU Uładzimir Babroŭničy niezadavoleny, što studentka vyniesła historyju ŭ publičnuju śfieru, nie dačakaŭšysia aficyjnaha płaciežnaha kvitka. U razmovie ź Jeŭraradyjo jon skazaŭ, što sumu vypłaty ŭ 980 rubloŭ, jakuju Płatnickaja nazyvała ŭ piatnicu, jana ŭziała «ź nieba».
Taksama dekan ličyć nieprymalnym ton, u jakim studentka apisvała situacyju.
«Siońnia ŭsio joj było rastłumačana. I pra toje, jak jana heta kazała, i pra sumu, jakuju jana ŭziała nieviadoma adkul, z vobłaka. Heta jaje prablemy, jana pavinna heta vypravić, i dzieści hramadzianskaje sumleńnie pavinna pračnucca. Pa vialikim rachunku, heta było źniavažliva. Jak čałaviek, jaki zakančvaje VNU, jana pavinna vałodać narmalnaj leksikaj i adkazvać za kožnaje apublikavanaje słova».
Pa jaho słovach, 17 vieraśnia Płatnickaja zrazumieła svaju pamyłku i vybačyłasia pierad dekanam. Padčas padrychtoŭki publikacyi dziaŭčyna na svajoj staroncy ŭ Instagram pryznałasia, što vinavataja sama, bo nie atrymała aficyjny dazvoł na svoj adjezd, a taksama pamyliłasia ŭ padlikach. Jak vyśvietliłasia, apłočvać padčas prapuščanaj praktyki treba tolki vučebnyja hadziny z vykładčykam. Za miesiac takich hadzin atrymałasia čatyry.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary