U Polščy znajšli rekordna vialikija reštki dycynadonta — najstaražytniejšaha prodka ŭsich sysunoŭ
Paleantołahi vyjavili na terytoryi Polščy skamianiełyja astanki dycynadonta, najstaražytniejšaha prodka ŭsich sysunoŭ. Hetaja žyvioła pa pamierach nie sastupała dynazaŭram i słanam, paviedamlaje «Źviazda» sa spasyłkaj na telekanał «Mir 24».
Polskija paleantołahi pravodzili raskopki na poŭdni krainy, u vakolicach vioski Lisovicy, dzie zalahajuć parody, jakija sfarmavalisia prykładna 210 miljonaŭ hadoŭ tamu. U vyniku było znojdziena bolš za tysiaču kostak i inšych zakamianiełaściaŭ, bolšaja častka jakich naležała prymityŭnym dynazaŭram i krakadziłam.
Adnak častka astankaŭ naležała nie dynazaŭram, a rekordna bujnomu dycynadontu, daŭžynia jakoha składała prykładna 4,5 m, vyšynia - 2,6 m, pry hetym masa nabližałasia da 9 t. Hihant byŭ, na dumku polskich navukoŭcaŭ, travajednaj istotaj.
«Heta epachalnaje adkryćcio, jakoje zdarajecca raz u žyćci», - padkreśliŭ pradstaŭnik Instytuta paleantałohii PAN u Varšavie Tomaš Sulej.
Dadzienaja znachodka radykalna mianiaje isnujučyja ŭjaŭleńni ab historyi evalucyi. U ciapierašni čas navukoŭcy majuć namier vyśvietlić pryčyny, pa jakich dycynadonty dasiahnuli pamieraŭ dynazaŭraŭ.
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary