Ruskamoŭnyja žychary novaha 203-ha mikrarajona Jakucka (Jakucija, Rasija) nie mohuć addać svaich dziaciej u škołu, tamu što pobač ź ich damami jość tolki nacyjanalnaja škoła «Ajyy Kyhata», dyrektar jakoj admaŭlajecca adkryvać kłasy z vykładańniem na ruskaj movie dla dziaciej, jakija nie viedajuć jakuckaj, i kaža, što miescaŭ niama, piša News.Ykt.Ru.
Ruskija školniki, što žyvuć u mikrarajonie, jeździać u inšyja škoły, albo chodziać u filijał škoły №33, jaki znachodzicca na druhim paviersie korpusa, nad kramaj i aptekami. Baćka adnaho z navučencaŭ paskardziŭsia ŭ prakuraturu, i ciapier filijał mohuć zakryć za nieadpaviednaść pamiaškańnia praviłam biaśpieki.
Administracyju škoły «Ajyy Kyhata» padtrymlivajuć baćki-jakuty. U lutym jany zapłanavali mitynh u padtrymku navučańnia na rodnaj movie.
«Parušajucca kanstytucyjnyja pravy dziaciej na navučańnie i vychavańnie na rodnaj movie, — skazaŭ vydańniu pradstaŭnik baćkoŭskaha kamiteta škoły «Ajyy Kyhata» Uładzimir Ju. — My suprać, pakolki heta supiarečyć kancepcyi navučańnia ŭ «Ajyy Kyhata». Dzieci pastupali mienavita ŭ nacyjanalnuju škołu. I zaraz takaja situacyja: bieź viedama baćkoŭ moža całkam źmianicca prahrama navučańnia i vychavańnia».
Baćkam ruskamoŭnych dziaciej prapanavali pačakać dva hady, pakul u rajonie nie pabudujuć jašče adnu škołu.
Maci školnika Izabeła Rožyna taksama ličyć, što kancepcyja škoły pavinna zastacca raniejšaj.
«My, baćki, vielmi doŭha čakali adkryćcia novaha budynka škoły «Ajyy Kyhata», — padzialiłasia Izabeła Rožyna. — Dla nas heta była sapraŭdy doŭhačakanaja padzieja. Spadziajemsia, što kancepcyja navučańnia ŭ našaj škole nie źmienicca i zastaniecca raniejšaj».
«Usie, chto źviazany z «Ajyy Kyhata», maryli pra adkryćcio ŭłasnaha budynka škoły 14 hadoŭ, — tłumačyć Rožyna. — I ja vielmi rada, što majo dzicia moža vučycca na rodnaj movie. Jakuckaja mova — z ulikam taho, što jana źjaŭlajecca ŭ našaj respublicy druhoj dziaržaŭnaj, — takaja ž važnaja, jak i ruskaja. Zaraz u našym horadzie kala 50 škoł, i ź ich tolki ŭ niekalkich navučańnie i vychavańnie viadziecca na jakuckaj movie».
-
68‑hadovuju biblijatekarku ź Biełarusi sudziać u Rasii za danaty Fondu Navalnaha
-
«Mnie stolki hadoŭ, jak Isusu Chrystu, kali jon pamior i ŭvaskros». Dzianis Kapuścin daŭ pieršaje intervju paśla insceniroŭki jahonaj śmierci
-
Danija abviaściła «karaleŭski zahad ab vykarystańni vojskaŭ» u Hrenłandyi dziejnym
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ2
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary