U Minsku prajšła ŭračystaja adpraŭka ŭ lačebna-pracoŭny prafiłaktoryj 35 chraničnych ałkaholikaŭ. Mierapryjemstva prajšło pry ŭdziele arkiestra HUUS na terytoryi centra izalacyi pravaparušalnikaŭ. Fotarepartaž Julii Daraškievič.
15 studzienia ŭ Minsku ŭ miežach antyałkaholnaj akcyi staličnaj milicyi «Kali pić — u siamji nie žyć» adbyłasia pieršaja sioleta adpraŭka ŭ ŁPP u Navahrudak 35 chraničnych ałkaholikaŭ, žycharoŭ stalicy. Mierapryjemstva prajšło pry ŭdziele arkiestra HUUS na terytoryi centra izalacyi pravaparušalnikaŭ.
Tym, kaho adpraŭlali ŭ lačebna‑pracoŭny prafiłaktoryj, razdali kiefir.
Pahruzka ŭ aŭtobus prachodziła pad kampazicyju z epizodu «Naparnik» kinakamiedyi Leanida Hajdaja «Apieracyja «Y» i inšyja pryhody Šuryka» i marš «Raźvitańnie słavianki». Usie adpraŭlenyja ŭ ŁPP — mužčyny. Praź niekalki hadzin tut ža projdzie adpraŭka ŭ lačebna‑pracoŭny prafiłaktoryj 10 žančyn‑ałkaholikaŭ.
Jak paviedamiŭ u hutarcy z žurnalistami načalnik upraŭleńnia achovy pravaparadku i prafiłaktyki HUUS Minharvykankama Juryj Sarokin, u Biełarusi pracujuć try mužčynskija i adzin žanočy ŁPP, «jakija vykonvajuć funkcyi izalacyi antysacyjalnych elemientaŭ ad hramadstva» i ažyćciaŭlajuć ich lačeńnie. Letaś u ŁPP było nakiravana 850 čałaviek, u tym liku 135 žančyn.
Pradstaŭnik HUUS zaznačyŭ, što adpraŭka ŭ ŁPP nie ličycca sudzimaściu, chacia rašeńnie ab hetym prymaje sud, jaki pryznačaje termin znachodžańnia ŭ prafiłaktoryi — ad 1 da 1,5 hoda.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary