U češskaj kramie pradajuć majki biełaruskaj fabryki «8 sakavika». Ale dziŭny nie sam hety fakt, a cana na cišotku — 990 češskich kron, ci 90 biełaruskich rubloŭ.
Trykatažnaja fabryka «8 sakavika» vyrablaje biudžetnaje adzieńnie. Adkul tady cana za miažoj jak na luksavuju reč?
Namieśnica dyrektara pa kamiercyjnych pytańniach pradpryjemstva Volha Šołachava raskazała, što hetu partyju cialniašak jany pradali pastaŭščyku jašče ŭ 2016 hodzie. Prynt — nie ich aŭtarstva.
«My pradajem svaje majki ŭ 4-5 razoŭ tańniej. I kantralavać košt hetaha vyrabu na terytoryi Čechii nie možam, bo ŭ ich svabodnaje cenaŭtvareńnie».
Ułasnych firmovych kramaŭ u Čechii ŭ fabryki niama, choć, jak kaža Volha Šołachava, «8 sakavika» z zadavalnieńniem vyjšła b na toj rynak.
«Tam prosta vielmi vialikaja arenda. Cana pačynajecca ad 35 jeŭra za kvadratny mietr. A plus jašče kali naniać piersanał — sami razumiejecie. My — dziaržaŭnaje pradpryjemstva, jakoje nie moža sabie hetaha dazvolić. A na nas zarablajuć vielmi dobra», — pryznajecca jana.
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary