Ukraina i Rasija pravodziać abmien palitviaźniami. Ale jość pytańni
«Abmien zaviaršyŭsia: maraki, (Aleh) Siancoŭ, (Mikałaj) Karpiuk, (Uładzimir) Bałuch, (Pavieł) Hryb laciać dadomu», — napisaŭ u svaim fejsbuku novy hienprakuror Ukrainy Rusłan Rabašapka.
Pavodle infarmacyi, va Ukrainu viarnulisia ŭkrainskija maraki, jakija byli zachoplenyja rasijskimi pamiežnikami paśla ŭzbrojenaha napadu ŭ Kierčanskim pralivie 25 listapada — usiaho 24 čałavieki.
Paźniej svajaki marakoŭ paviedamili, što tyja ŭžo dastaŭleny va Ukrainu. Samalot niby pryziamliŭsia ŭ Kijevie.
Pra viartańnie Siancova, Bałucha, Hryba i Karpiuka ničoha nie paviedamlajecca. Aficyjnaha paćviardžeńnia pakul niama, SBU raić pačakać. Ukrainskija ŚMI skarektavali naviny.
Nahadajem, što 24-hadovy Pavieł Hryb byŭ vykradzieny paśla taho, jak naviedaŭ Biełaruś.
Uładzimir Bałuch byŭ zatrymany FSB, taksama zatrymany 17 sakavika 2014 hoda Mikałaj Karpiuk. Jaho abvinavacili ŭ złačynstvach suprać rasijskich vojskaŭ padčas pieršaj vajny ŭ Čačni.
Samaje hučnaje imia ŭ śpisie — žychar Kryma, režysior Aleh Siancoŭ. Jon byŭ aryštavany viasnoj 2014 hoda i prysudžany ŭ Rasii da 20 hadoŭ źniavoleńnia za supraciŭleńnie anieksii paŭvostrava — pavodle abvinavačvańnia, nibyta za arhanizacyju dyviersijnaj hrupy «Pravaha siektara». Jon nie pryznaŭ siabie vinavatym, zajaviŭ pra katavańni.
Letam 2018 hoda Siancoŭ abvieściŭ haładoŭku, patrabujučy vyzvaleńnia ŭsich ukrainskich palitviaźniaŭ, asudžanych u Rasii. Jana praciahvałasia 145 dzion, adnak prymaŭ śpiecyjalnuju miedycynskuju sumieś, kab nie karmili prymusova.
Kamientary