Telehram-kanał Abaronka_by apublikavaŭ śpis patencyjnych kandydataŭ na post načalnika Hienieralnaha štaba Uzbrojenych Sił u vypadku abrańnia deputatam dziejučaha načalnika Aleha Biełakonieva.
Jahor Lebiadok u svaim telehramie adznačaje, što pasada deputata dosyć nizkaja, papiarednija načalniki ŭładkoŭvalisia lepiej.
Lebiadok ličyć, što pryznačeńnie na pasadu načalnika Hienieralnaha štaba Paŭła Muraviejki ŭzmacniła b dziejnaść Uzbrojenych Sił u častcy infarmacyjna-psichałahičnaha prociborstva.
«Davodzicca pryznać, što pa hetaj častcy ŭ nas surjozny pravał», — piša Lebiadok.
Možna raźličvać na niadrennaje raźvićcio pryncypaŭ vajskovych apieracyj z ulikam infarmacyjnaha składnika — ad apieratyŭnaha prykryćcia da asobnych mierapryjemstvaŭ i infarmacyjnaj pracy na mižnarodnaj arenie.
Što tyčycca kandydatury kamandujučaha VPS i vojskami SPA hienierał-majora Ihara Hołuba, to jaho pryznačeńnie aznačała b uzmacnieńnie ŭvahi da profilnaha vidu vojskaŭ.
«Viadoma, śfiera SPA zaŭsiody aktualnaja, płanujecca zakupka 12 šmatmetavych źniščalnikaŭ Su-30sm i inšyja mierapryjemstvy i jość nad čym surjozna pracavać u VPS i SPA. Mahčyma, jość i niuansy ŭ rabocie adzinaj SPA z Rasijaj», — piša Lebiadok.
Nakont kandydatury Vadzima Dzienisienki Lebiadok piša, što jon «mužyk narmalny», pad jaho kiraŭnictvam praviedziena istotnaja madernizacyja sił śpiecapieracyj Biełarusi.
«Kali va Uzbrojenych Siłach budzie pastaŭlena bolš žorstka zadača pa padrychtoŭcy vojskaŭ vyklučna dla łakalnych kanfliktaŭ, rašeńni apieratyŭnych zadač abmiežavanymi kantynhientami, miratvorčych apieracyjach, to jaho kandydatura całkam padychodzić», — piša Jahor Lebiadok.
A voś pryznačeńnie na pasadu načalnika Hienštaba hienierałaŭ Alaksandra Valfoviča abo Viktara Chrenina, na dumku Jahora Lebiadka, aznačała b praciah ahulnaha raźvićcia Uzbrojenych Sił.
Kamientary