Inviestpłatforma Finstore.by zapuściła prodaž tokienaŭ abutkovaj fabryki «Biełviest»
Startavała ICO (pieršasnaje raźmiaščeńnie tokienaŭ) abutkovaj fabryki «Biełviest» na inviestycyjnaj płatformie Finstore.by. Inviestycyi patrebny dla pavieličeńnia abjomu vytvorčaści i raźvićcia roźničnaj sietki.
Dla nabyćcia dastupnyja tokieny kampanii, naminavanyja ŭ rasijskich rublach i jeŭra. Cana 1 tokiena ŭ jeŭra — 100 EUR, 1 tokiena ŭ rasijskich rublach — 5000 RUB. U kožnaha tokiena jość fiksavanaja hadavaja staŭka dachodnaści i termin dziejańnia.
Tokieny ŭ jeŭra
Staŭka: 5,15% hadavych
Termin 3 hady (štohadovaja afierta)
Tokieny ŭ rasijskich rublach
Staŭka: 9% hadavych
Termin 3 hady (štohadovaja afierta)
Inviestaram moža vystupić lubaja fizičnaja asoba — rezident Respubliki Biełaruś, zacikaŭleny ŭ zachavańni i prymnažeńni źbieražeńniaŭ. Kab nabyć tokieny, treba zarehistravacca na płatformie Finstore.by i prajści praceduru pravierki. Paśla hetaha na płatformie budzie stvorany virtualny kašalok i va ŭdzielnika źjavicca mahčymaść inviestavać u tokieny.
Dachod vypłačvajecca na pieryjadyčnaj asnovie adzin raz na 3 miesiacy. Pry hetym «Biełviest» štohod budzie pradastaŭlać mahčymaść zvarotnaha vykupu tokienaŭ na praciahu troch hadoŭ.
Nabytyja tokieny zachoŭvajucca niepasredna na płatformie ŭ virtualnym kašalku.
«Partniorstva z «Biełviestam» adkryvaje novy napramak u dziejnaści chołdynhu Banka BiełVEB na finansavym rynku — ICO. Takoje inviestavańnie ŭjaŭlaje saboj alternatyvu depazitam i kaštoŭnym papieram», — adznačyŭ kiraŭnik dyrektar Finstore.by Dźmitryj Šadko. Pavodle jaho słoŭ, da kanca 2019 hoda fizičnym asobam buduć prapanavany ličbavyja tokieny inšych viadučych biełaruskich kampanij i pierśpiektyŭnych startapaŭ u śfiery infarmacyjnych technałohij.
Apierataram kryptapłatformy Finstore.by, dzie možna raźmiaščać i kuplać tokieny, źjaŭlajecca TAA «DFS», jakoje ŭvachodzić u chołdynh Banka BiełZEB. Kampanija źjaŭlajecca adnym z troch rezidentaŭ PVT, jakija atrymali status apieratara kryptapłatformy. Misija kampanii — stvareńnie ŭ Biełarusi novaha efiektyŭnaha instrumienta źbieražeńnia i inviestavańnia, jaki bazujecca na pieradavych infarmacyjnych technałohijach.
Płatforma Finstore.by pryznačana dla pryciahnieńnia inviestycyj pradpryjemstvami ŭsich śfier ekanomiki praz ŭviadzieńnie ŭ abarot ułasnych ličbavych aktyvaŭ ź fiksavanaj dachodnaściu dla inviestara.
Z dapamohaj płatformy Finstore.by kampanii-zakazčyki mohuć vypuskać, raźmiaščać tokieny, inviestary — ažyćciaŭlać prostaje i vyhadnaje ŭkładańnie srodkaŭ. Tokieny stvorany z vykarystańniem infarmacyjnaj sietki błokčejn.
Z bolš padrabiaznaj infarmacyjaj možna aznajomicca na sajcie Finstore.by.
Kamientary