4892 rubli z 6000 patrebnych: vyniki dvuch dzion zboru hrošaj na «Aściarožna: dzieci!» i «Dudu»
81 čałaviek pieravioŭ hrošy na zapusk novych dziciačych biełaruskamoŭnych časopisaŭ za pieršyja dva dni zboru. Na hety momant sabrali 4892 rubli z 6000 patrebnych. Pieravažna heta pieravody pa 10—50 rubloŭ, ale piać čałaviek achviaravali pa 500 rubloŭ, a adzin — 100 rubloŭ.
Nahadajem, što padtrymać vydańnie novych časopisaŭ možna dvuma sposabami.
Samy zručny dla nas (najmienš strat hrošaj na pasiarednikaŭ) — praz Club.nn.by, u nas na sajcie. Tam mohuć pakłaści hrošy ŭsie zarehistravanyja na sajcie.
Kamu zručniej kraŭdfandynhavaja płatforma — my źbirajem hrošy praz molamola.by.
Śpis fundataraŭ budzie apublikavany ŭ časopisach. Danatary mohuć paznačać svaje imiony abo vybirać ananimnaść.
My zapuskajem dva jarkija biełaruskamoŭnyja časopisy. Jany hatovyja i zarehistravanyja. Jarkija, z komiksami, raniej takoha pa-biełarusku nie było. Adzin budzie dla dzietak da 6 hadoŭ, druhi — dla małodšych školnikaŭ. Prosim usich, niezaležna ad śvietapohladu, padtrymać hetuju spravu.
Aściarožna, dzieci! — dla małodšych školnikaŭ. Dudu — dla daškolnikaŭ.
My chočam sabrać hrošy na druk pieršych numaroŭ, a dalej z prodažaŭ pieršaha numara apłacim druk nastupnaha, i tak dalej. Na prykładzie «Našaj historyi» (vyjšła ŭžo 15 vypuskaŭ, štomiesiačna) my pakazali, jaki premijalny pradukt my zdolnyja rehularna vypuskać.
Novyja časopisy taksama buduć vychodzić štomiesiačna.
Dzieci, unuki, praŭnuki — naša budučynia. Davajcie razam zapuścim hetuju dobruju spravu.
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola12
Kamientary