Novaje daśledavańnie Univiersiteta Lidsa pakazała, što 98% abiedaŭ, jakija brytanskija baćki dajuć vučniam małodšaj škoły, nie adpaviadali charčovym normam, piša bbc.com.
Niekatoryja škoły navat praviarajuć chatnija abiedy i zabirajuć «kantrabandnuju» niezdarovuju ježu, naprykład, sasiski ŭ cieście.
A adna akademija ŭ Norviču niadaŭna prapanavała całkam zabaranić abiedy z domu, kab bolš vučniaŭ jeli zdarovuju školnuju ježu.
Dyk jak maje vyhladać zdarovy «suchi pajok»?
Buterbrod
Ekśpierty kažuć, što «asnoŭnaj stravaj» pavinna być niešta spažyŭnaje, naprykład, chleb, rys, makarona abo bulba. Pa mahčymaści, lepš addavać pieravahu celnaziernievym.
Kali vy robicie dziciaci buterbrod — dadajcie ŭ jaho sałatu, bo štodnia varta jeści piać porcyj śviežaj sadaviny i harodniny.
U realnaści ž samaje papularnaje načyńnie buterbrodaŭ — viandlina, syr, kuryca, tuniec, a zatym — šakaładnaja pasta abo džem.
Harodnina, takaja jak kukuruza i morkva, traplajecca ŭ buterbrodach redka, choć śpiecyjalisty kažuć, što takoje načyńnie byli b zdaraviejšym, asabliva ŭ paraŭnańni z džemam abo šakaładnaj pastaj, jakija ŭtrymlivajuć šmat cukru.
Namahajciesia taksama paźbiahać praźmiernaha ŭžyvańnia majanezu i masła.
Sneki
Daśledavańnie pakazała, što choć kolkaść cukru ŭ chatnich abiedach naohuł źmienšyłasia, mnohija ź ich dahetul utrymlivajuć ježu z zanadta vysokim utrymańniem cukru, soli ci tłuščaŭ.
Bolšaść suchich abiedaŭ z 1500, jakija ŭdzielničali ŭ daśledavańni, utrymlivali čypsy ci inšyja pikantnyja zakuski, a ŭ tracinie ź ich było šakaładnaje piečyva.
Kab zrabić abiedy zdaraviejšymi, navukoŭcy rajać adzin z hetych varyjantaŭ:
soładavy chleb, fruktovyja kieksy, fruktovy chleb ci sadavina zamiest šakaładu, zbožžavych batončykaŭ i piečyva;
rysavyja pierapiečki abo papkorn zamiest čypsaŭ;
johurt ź nizkim utrymańniem tłušču i cukru, miakki syr ź nizkaj tłustaściu abo žele biez cukru.
Sadavina i harodnina
Narežcie dzieciam jabłyki abo dyniu i pačyścicie mandaryny, kab im było praściej ich jeści. Kali papyrskać narezanuju sadavinu cytrynavym sokam, jana nie zrobicca karyčnievaj.
Vy taksama možacie dać dziciaci ŭ škołu pamidory čery, pierac i saleru.
Napoj
Najlepš pić vadu, ale možna davać dzieciam małako abo fruktovy sok biez cukru.
Inšyja parady ekśpiertaŭ
Aŭtary daśledavańnia kažuć, što pradukty dla abiedaŭ lepš kuplać i hatavać razam ź dziećmi — tak vy zmožacie rastłumačyć im, jakaja ježa zdarovaja.
«Daśledavańni pakazali, što dzieciam treba davać peŭnuju ježu niekalki razoŭ, pierš čym jana pačnie im padabacca. Spačatku heta mohuć być nievialikija porcyi, kab minimizavać adkidy, ale heta daść dzieciam čas paznajomicca z novymi dla ich praduktami i pryvyknuć da ich».
Kamientary