U Škłovie byli zatrymanyja troje žurnalistaŭ «Biełsata». Prykładna praz try hadziny ich adpuścili, ale zabrali ichnyja telefony.
Karespandenty Stanisłaŭ Ivaškievič, Volha Ratmirava i apieratar Ivan Muraŭjoŭ zatrymanyja ŭ Škłovie padčas zdymak prahramy žurnalisckich rasśledavańniaŭ «Davajcie raźbiracca».
Viadoma, što zatrymańnie adbyłosia prykładna a 15:30, suviaź ź imi adsutničała.
Na momant zatrymańnia jany nie paśpieli navat raspačać zdymki i dastać abstalavańnie z mašyny. Žurnalisty ŭbačyli za saboj sačeńnie i vyrašyli syści, adnak nie paśpieli.
A 19-j hadzinie stała viadoma, što ŭsich traich žurnalistaŭ vypuścili sa Škłoŭskaha RAUS, adnak telefony ŭ ich adabrali. Jak pryčyna zatrymańnia, tak i nahoda dla kanfiskacyi techniki nieviadomyja.
Kamientary