Biełteleradyjokampanija zajaviła, što hurt VAL, jaki vyjhraŭ sioletni nacyjanalny adbor na «Jeŭrabačańnie», nie pajedzie na konkurs u nastupnym hodzie.
«Adbudziecca heta nie tamu, što na BT štości «złamałasia» ci lutuje cenzura, a tamu, što ŭ artystaŭ hurta adsutničaje sumleńnie», — abviaścili ŭ kampanii.
Nahodaj stała intervju Valeryi Hrybusavaj i Ułada Paškieviča partału «Cikavyja ludzi».
U im artysty raskazali, što ŭdzielniki «Jeŭrabačańnia» majuć peŭnyja damoŭlenaści ź Biełteleradyjokampanijaj — abaviazujucca vystupać na dziaržkancertach i nie davać intervju biez dazvołu vyšej. Samo BT heta abviarhaje.
Pra toje, što pajezdka na «Jeŭrabačańnie» admianiajecca, hurt daviedaŭsia tolki z telehram-kanała BT. Ni zvanka pa telefonie, ni lista im nie było.
«My zadavali pytańnie pra naš udzieł u konkursie ŭ nastupnym hodzie rehularna, kožnyja paru tydniaŭ. Ale ŭ žniŭni paśla ŭsich padziej i taho, što adbyvałasia ź Biełteleradyjokampanijaj, my ŭžo byli pierakananyja, što pry dziejnaj uładzie nie budziem pradstaŭlać našu krainu», — raskazali «Našaj Nivie» artysty.
Jany ličać, što intervju stała prosta farmalnaj nahodaj admović.
«Dumajem, što admova źviazana z našaj hramadzianskaj pazicyjaj. Navat kali b my nie davali intervju, rana ci pozna pytańnie vyrašałasia b tak, jak ciapier.
My nie možam ujavić, kab BT adpraviła artystaŭ, u jakich u fejsbuku avatarki z bčb-ściahami i jakija chodziać na mitynhi suprać sychodziačaj ułady. Heta było tolki pytańnie času», — miarkuje hurt.
Uład i Valeryja razumiejuć, što ciapier u ich mohuć być prablemy z kancertami, ale nie bajacca takoha raźvićcia padziej.
«Dla nas asabistyja prefierencyi ad luboj dziaržaŭnaj kampanii mienš važnyja, čym zdaroŭje i žyćcio mirnych ludziej Biełarusi, našaha naroda.
I nazirajučy za takimi artystami, jak Źmicier Vajciuškievič, Nizkiz, Lavon Volski, jakija aktyŭna vykazvajuć svaju hramadzianskuju pazicyju ŭžo šmat hadoŭ, bačym, što pracavać mahčyma».
Napiaredadni vybaraŭ VAL vypuściŭ kampazicyju «Naviečna». Jana ŭvajšła ŭ top piesień biełaruskaha pratestu.
-
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»
-
Mikita Najdzionaŭ zapuściŭ novy prajekt dla aŭdytoryi 30+
-
«Dahetul škaduju, što nie stała lekaram». Pahutaryli sa Śviatłanaj Bień pra novy albom, žyćcio ŭ Bierlinie, «čornyja śpisy» i spraviadlivaść
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary