Stali viadomyja słovy, jakija skazaŭ sudździ Źmicier Daškievič
Raniej paviedamlałasia, što pradprymalnik Źmicier Daškievič zajaviŭ pra katavańni na Akreścina hetaj nočču. Žonka Źmitra Daškieviča Nastaśsia zapisała słovy, jakija jon skazaŭ sudździ, i apublikavała ich u siabie ŭ fejsbuku.
Sudździa padčas pracesu zapytała ŭ Źmitra, ci budzie advod joj jak sudździ.
«Nie baču sensu», — skazaŭ jon.
«Jak heta rasceńvać? — udakładniła jana. — Vy nie daviarajecie sudovaj sistemie?»
«Cudovaj sistemie? — adkazaŭ Źmicier. — U nas jość sudy? Zakony? Ja raskažu vam. Mianie, jašče nie asudžanaha i nie pryznanaha ni ŭ čym vinavatym, źmiaścili ŭ karcar. Navat na noč nie adšpilvali nary. Na padłozie bietonnaja padłoha. Mianie katujuć, razumiejecie? Mnie nie davali noč spać. Nam nie davali vady. U nas vady ŭ kamiery niama nijakaj. NIJAKAJ. Ludzi sruć, prabačcie i zmyć nie mohuć. NIE MOHUĆ ZMYĆ ZA SABOJU. Heta pa zakonie? Heta pra zakon? U susiednim karcary čałaviek u takich umovach pravioŭ 25 sutak, inšy — 15 sutak. Ja nie bačyŭ takoha nidzie. I mnie načalnik IČU zajaŭlaje, što heta zakonna. Dyk što mnie Vam skazać pra zakon? Vy jak čałaviek zakona, jaki daje ludziam sutki, što vy možacie pra heta skazać?»
Sudździa abvieściła pierapynak u pasiedžańni da 9:30 27 kastryčnika.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary