U praŭładnym Sajuzie žurnalistaŭ źjaviŭsia ŭpaŭnavažany pa abaronie žurnalistaŭ — Alaksandr Špakoŭski
Praŭładny ekśpiert Alaksandr Špakoŭski staŭ upaŭnavažanym pa abaronie žurnalistaŭ Biełaruskaha sajuza žurnalistaŭ. Na pasadu ambudsmiena jon byŭ abrany na čarhovym źjeździe arhanizacyi.
Kiraŭnik praŭładnaha Sajuza žurnalistaŭ Andrej Kryvašejeŭ patłumačyŭ, što Špakoŭski ŭvachodzić u Nacyjanalny kamitet biaśpieki žurnalistaŭ razam z pres-sakratarami i słužbovymi asobami siłavych viedamstvaŭ: MUS, Śledčaha kamiteta, Hienieralnaj prakuratury.
«Hałoŭnaja meta hetaha kamiteta — abarona žurnalistaŭ ad lubych pieraškodaŭ da ažyćciaŭleńnia prafiesijnaj dziejnaści», — patłumačyŭ Kryvašejeŭ «Sovietskoj Biełoruśsii».
Jak ujaŭlaje Špakoŭski abaronu žurnalistaŭ? Voś što jon kamientavaŭ z nahody ranieńnia karespandentki «Našaj Nivy» Natalli Łubnieŭskaj:
«Ja spačuvaju spadaryni Łubnieŭskaj i spadziajusia, što ŭsie abstaviny jaje ranieńnia padčas znachodžańnia ŭ epicentry masavych biesparadkaŭ buduć naležna rasśledavanyja. […] Adznaču, što redakcyja «Našaj Nivy» sistematyčna dapuskaje publikacyju vielmi tendencyjnych materyjałaŭ, nakiravanych na raspalvańnie kanfliktu ŭ hramadstvie i źmiaščajuć niedakładnuju infarmacyju».
Kamientary