Kampanija «Ford» upieršyniu pačnie vyrablać svaje kultavyja elektramabili «Mustanh» u Kitai.
Amierykanski vytvorca zajaviŭ, što sioleta płanuje stvarać elektramabili Mustang Mach-E u Kitai i vyjści na kitajski rynak elektramabilaŭ, piša BBC.
Kitaj — najvialikšy ŭ śviecie aŭtamabilny rynak, dzie štohod pradajuć bolš za 20 miljonaŭ aŭtamabilaŭ. Čakajecca, što prodažy aŭtamabilaŭ sioleta vyrastuć jašče bolš, tamu zachodnija brendy taksama nacelenyja na Kitaj.
«Ford» spadziajecca atrymać vyhodu ad ekanamičnaha adnaŭleńnia Kitaja i pamknieńniaŭ kitajskaha ŭrada da bolšaj kolkaści elektramabilaŭ na darohach.
Novy elektryčny «Mustanh» — heta spartyŭny ŭsiedarožnik, jaki razhladajecca kiraŭnikami kampanii jak šaniec adnavić prodažy ŭ Kitai. Da hetaha spartyŭnyja aŭtamabili «Mustanh» byli dastupnyja ŭ Kitai tolki ŭ jakaści darahoha impartu.
Kamientary