Jak šukajuć žyvioł, jakija pieranosiać karanavirus, i čamu heta važna
Z samaha pačatku pandemii kavidu navukoŭcy bajalisia, što virus moh pierajści da čałavieka ad dzikich žyvioł. U takim vypadku jon moža zachoŭvacca ŭnutry pradstaŭnikoŭ roznych vidaŭ, muciravać i znoŭ atakavać ludziej navat paśla zakančeńnia pandemii.
Kali heta zdarycca, to ŭ baraćbie z kavidam śviet vierniecca da samaha pačatku, bo ličycca, što virus jakraz i pryjšoŭ da nas ad dzikich žyvioł. Bolš za toje, niebiaśpieka isnuje nie tolki ad ich, ale i ad šmatlikich chatnich žyvioł i tych, što žyvuć u zaaparku.
Ličycca, što najbolš ciažka kantralavać vybuchi virusa siarod dzikich žyvioł. Isnuje vierahodnaść, što padčas cyrkulacyi siarod žyvioł virus kavidu źmianiajecca ŭ horšy bok, što robić jaho mienš uraźlivym da vakcyn i bolš śmiarotna niebiaśpiečnym. Voś čamu tak važna adsočvać raspaŭsiudžvańnie virusa siarod žyvioł, piša The Nature.
U pačatku pandemii navukoŭcy čakali asnoŭnaj niebiaśpieki ad śvińniaŭ. Viadoma, što jany mohuć być pieranosčykami inšych virusaŭ nakštałt hrypu, a taksama karanavirusaŭ inšych typaŭ. Ale padčas štučnych zaražeńniaŭ śvińni akazalisia ŭstojlivymi da kavidu, i ekśpierty pieraklučylisia na pracu z kažanami. Ličycca, što mienavita ad ich virus SARS-CoV-2 pierajšoŭ da ludziej.
Ekśpierymienty pakazali, što niekatoryja vidy kažanoŭ mohuć zaražacca virusam kavidu i pieradavać jaho inšym vidam.
Byli znojdzienyja i inšyja niebiaśpiečnyja žyvioły, naprykład, tchary, katy, janotapadobnyja sabaki, biełachvostyja aleni i niekatoryja prymaty. Ale bolš za ŭsio navukoŭcaŭ ździviła historyja z kavidam na norkavych fiermach.
Usio pačałosia z masavych śmierciaŭ norak na dźviuch niderłandskich fiermach u krasaviku. U kancy 2020 hoda SARS-CoV-2 dasiahnuŭ 70 niderłandskich fiermaŭ i pradpryjemstvaŭ u inšych krainach, u tym liku ŭ Danii, Hrecyi, Kanadzie i ZŠA. Paśla hetaha niekatoryja krainy pryniali rašučyja miery dla baraćby z raspaŭsiudžvańniem virusu siarod norak. U Danii i Niderłandach źniščyli ŭsie norkavyja fiermy, dzie hadavałasia kala 20 miljonaŭ žyvioł.
Heta historyja paćvierdziła zaniepakojenaść navukoŭcaŭ nakont taho, što virus zdolny chavacca ŭnutry žyvioł takim čynam, što jaho ciažka znajści i kantralavać, i pry hetym zastajecca niebiaśpieka jaho viartańnia da ludziej.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary