Siońnia — prodaž śviežaj «Našaj historyi» ŭ redakcyi. Možna i padpisacca, prychodźcie
U prodažy źjaviŭsia śviežy numar «Našaj historyi», padpisčyki taksama jaho atrymali. Ale kali vy nie majecie padpiski ci prapuścili papiarednija numary — siońnia ich možna nabyć pa adrasie Enhielsa, 34A. Taksama my budziem prymać padpisku na druhoje paŭhodździe, asabliva dla tych, chto nie nadta siabruje ź internetam ci nie choča zamaročvacca z kvitancyjami i ich apłataj u banku.
Majski numar «Našaj historyi» natchniony fihuraj Nelsana Mandeły: čałaviek pravioŭ u turmach 27 hod — i ŭsio dziela taho, kab jaho radzima stała volnaj. Uvohule, uvieś numar vyjšaŭ paetyčna-natchnialnym, jakija asoby ŭ im: Uładzimir Duboŭka, Alaksandr Nadsan, Iosif Brodski!
My budziem pradavać u Minsku śviežy numar «Našaj historyi» pa našym redakcyjnym adrasie Enhielsa, 34a (heta tam, dzie redakcyja «Narodnaj Voli»):
- u subotu, 5 červienia, z 12:00 da 18:00.
Heta samy centr Minska, litaralna 400 mietraŭ ad mietro «Kupałaŭskaja» i «Kastryčnickaja», bieły dom z murałam.
Kali łaska, padrychtujcie najaŭnyja hrošy (naš kasavy aparat nie prymaje apłatu kartkaj). Časopis kaštuje 7 rubloŭ. Kali brać try asobniki, to sa źnižkaj — 20 rubloŭ. Dziciačyja časopisy (taksama vyjšli śviežyja numary) budziem pradavać pa 2,5 rubla za numar.
Pryjdzicie i kupicie časopis — dla siabie i dla svajakoŭ, susiedziaŭ, siabroŭ, kaleh pa pracy.
U nas možna budzie kupić jak novy numar, tak i niekatoryja raniejšyja.
Aproč taho, časopisy možna nabyć u kniharniach, u niekatorych supiermarkietach, na niekatorych poštach i ŭ pryvatnych raspaŭsiudnikaŭ.
Minsk
- «Rahna» (vuł. Suchaja, 4, mietro «Frunzienskaja»)
- Handlovy centr «Kupałaŭski» (pad Kastryčnickaj płoščaj), kramy 41—42 i 44—45
- «Halijafy» (vuł. Niamiha, 3, krama №47 na cokalnym paviersie)
- «Knižnaja šafa» (pr. Dziaržynskaha, 9) dy inšyja
Poštaj ci z dastaŭkaj na dom
Anłajn praz: Mmkut.by, Kniganosha.by, Halijafy.by, Knihi.by, Kniger.by, Ragna.by.
Hrodna
«Cudoŭnia».
Viciebsk
«Śvietač» (vuł. Kirava, 10) dy inšyja
Babrujsk
«Krynica viedaŭ» (vuł. Horkaha, 31).
Nahadvajem, što naš časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Z druhoha paŭhodździa «Našu historyju» vykidajuć z «Biełpošty», tamu nieŭzabavie zapracuje ŭłasnaja sistema padpiski
Padobnaja schiema dziejničała ŭ 2006—2008, kali «Našu Nivu» vykinuli z kijoskaŭ i padpiski.
Aformić padpisku možna tryma sposabami.
1. Usich, chto karystajecca internetam, my paprosim zajści na sajt Nashakrama.by (jon zapracuje ŭ červieni, my abaviazkova hučna paviedamim pra heta i na sajcie, i ŭ sacsietkach — sačycie!), vybrać časopis i pieryjad padpiski i apłacić anłajn.
2. Chto nie karystajecca internetam, moža vyrazać kvitancyju ŭ nizie staronki apošnich numaroŭ časopisa, zapoŭnić, apłacić u lubym banku i dasłać jaje nam. Pakładzicie ŭ piśmo kvitancyju ab apłacie, ci jaje kopiju, ci jaje numar. Naš adras: 220004, Minsk, a/s 62.
3. Aformić padpisku, pryjšoŭšy na štomiesiačny prodaž časopisaŭ u Redakcyi. Apłata najaŭnymi.
Košt padpiski — 7 rubloŭ za numar. Pry padpiscy na paŭhodździe źnižka — 35 rubloŭ za šeść numaroŭ.
Voś šlach dla apłaty (u banku ci ŭ svaim internet-bankinhu «advolny płaciež» ci «płaciež pa rekvizitach» — «proizvolnyj płatiež» ci «płatiež po riekvizitam»):
Atrymalnik płaciažu: Pryvatnaje vydavieckaje ŭnitarnaje pradpryjemstva «Surodzičy»
UNP atrymalnika: 190786828
Rachunak atrymalnika: BY84BLBB30120190786828001001
BIC banka atrymalnika: BLBBBY2X
Pryznačeńnie płaciažu: Padpiska na časopis «Naša historyja» na pieryjad……..
Suma płaciažu:……..
! Vielmi prosim usich, chto ŭmieje, karystacca sposabam 1. Pry im budzie mieniej zbojaŭ i mienšaja nahruzka na kalektyŭ Redakcyi pry apracoŭcy zakazaŭ.
Jak ja budu atrymlivać časopis?
Pierad vychadam №7 (heta ŭ kancy lipienia), z vami źviažucca i damoviacca na bolš zručny dla vas sposab. Try asnoŭnyja:
- kurjer pryjedzie da vas i kinie časopis u paštovuju skryniu;
- my adpravim vam časopis u kanviercie pa pošcie;
- vy zabieracie jaho sami ŭ centry Minska.
Ci možna na druhoje paŭhodździe padpisać viaźniaŭ?
Nie, heta niemahčyma. Časopis im možna budzie pieradavać tolki praz advakata, sa zhody śledčaha. Ale na maj-červień časopis im jašče budzie dachodzić praz padpisku.
Jakija pryncypy časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
Kamientary