Kitaj žadaje raźmiaścić na arbicie soniečnyja batarei, kab pieradavać enierhiju na Ziamlu
Płanujecca, što prajekt budzie ažyćciaŭlony da 2035 hoda.
Kitaj źbirajecca raźmiaścić u kosmasie da 2035 hoda šerah vielizarnych soniečnych batarej, jakija buduć pieradavać enierhiju na Ziamlu. Čakajecca, što ŭžo ŭ 2050 hodzie kompleks budzie całkam zapuščany, i jon budzie vyrablać stolki ž elektryčnaści, jak najvialikšaja z kitajskich atamnych stancyj.
Upieršyniu ideju stvaryć enierhietyčnuju stancyju ŭ kosmasie prapanavaŭ u 1941 hodzie piśmieńnik Ajziek Azimaŭ. Paźniej kancepcyju vyvučali ŭ roznych krainach, naprykład u ZŠA i Brytanii. Na arbicie nie isnuje vobłakaŭ, u dadatak tam nie źmianiajecca čas sutak, to bok ničoha nie pieraškadžaje stałamu vyrabu enierhii soniečnymi batarejami, tłumačyć Daily Mail.
U kompleks budzie taksama ŭvachodzić naziemnaja enierhietyčnaja stancyja, i jaje ŭžo pačali budavać. Hety abjekt raźmieścicca ŭ paŭdniova-zachodnim Kitai kala horada Čuncyn i budzie prymać enierhiju z arbity ŭ vyhladzie mikrachvalovaha vypramieńvańnia. Płanujecca, što vyprabavańnie stancyi pačniecca da kanca hetaha hoda. U 2030 hodzie aŭtary prajekta źbirajucca pačać pieradaču enierhii z arbity, pieršapačatkovaja mahutnaść składzie adzin miehavat. Za pieryjad da 2050 hoda mahutnaść stancyi płanujecca davieści da adnaho hihavata.
Miechanizm pracy stancyi źviazany z nakiravańniem intensiŭnaha pramienia enierhii ŭ vobłaść naziemnaj stancyi. Tak enierhija budzie pranikać praz vobłaki i dasiahać stancyi, pry hetym arbitalnaja stancyja budzie pracavać kruhłasutačna. Soniečnyja batarei płanujecca raźmiaścić na vyšyni ŭ 36 tysiač kiłamietraŭ — hetaha chopić dla taho, kab stancyja nie traplała ŭ cień Ziamli i batarei mahli atrymlivać enierhiju bieź pierapynkaŭ.
Pry hetym novaja enierhietyčnaja stancyja niasie ŭ siabie niebiaśpieku dla navakolnych žycharoŭ. Paśla taho, jak jana pačnie pracavać na poŭnuju mahutnaść, ludzi praz pavyšanuju radyjacyju nie zdolejuć žyć na terytoryi ŭ radyŭsie kala 5 kiłamietraŭ vakoł naziemnaj stancyi. Mikrachvalovaje vypramieńvańnie moža taksama stvarać pieraškody pracy elektroniki i srodkaŭ suviazi.
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary