Žychar Babrujska atrymaŭ dva hady chimii za abrazu Łukašenki. Razmovu ŭ videačacie zapisaŭ i vykłaŭ były milicyjant
25 žniŭnia sud Babrujska i Babrujskaha rajona pryznaŭ 31-hadovaha Ramana Staceviča vinavatym u ździajśnieńni złačynstva, praduhledžanaha art.368 KK. Sudździa Anton Dudal prysudziŭ jaho da dvuch hadoŭ «chimii», chacia prakurorka Chadnievič prasiła pazbavić jaho voli na hod, pišuć pravaabaroncy.
Ramana Staceviča pryznali vinavatym u publičnaj abrazie Alaksandra Łukašenki. Zhodna z abvinavačańniem, 1-3 maja jon praz publičny videačat pa videasuviazi ź nieznajomym jamu raniej Kaniušykam naŭmysna abraziŭ Łukašenku z vykarystańniem nienarmatyŭnaj leksiki.
Kaniušyk pry hetym pravodziŭ manitorynh internetu, kab vyjavić krytykaŭ ułady. Zhodna z tekstam abvinavačańnia, Stacevič uśviedamlaŭ, što razmova moža być zapisanaja Kaniušykam i pieradadzienaja ŭpaŭnavažanym asobam, a taksama raspaŭsiudžanaja ŭ šyrokim dostupie.
Kaniušyk zapisaŭ i vykłaŭ razmovu 3 maja pad nazvaj «Omierzitielnyj tip» na svaim kanale «Dzied baradzied» na jutubie.
Kaniušyk praz chvarobu ŭ 1997 hodzie pakinuŭ słužbu, adnak padtrymlivaje dziaržorhany, uładu, ideju paradku ŭ krainie, tamu dapamahaje joj, nakolki mahčyma, vykonvaje hramadzianski abaviazak. Naprykład, «dapamahaje AUS vykryvać asob, jakija pašyrajuć idei padarvać aŭtarytet pradstaŭnikoŭ ŭłady i ideju ŭtvareńnia chaosu i chvalavańniaŭ u našaj Respublicy Biełaruś».
Tamu jon stvaryŭ svoj kanał «Dzied Baradzied», dzie sprabavaŭ danieści da žycharoŭ roznych krain toje, što ŭ Biełarusi žyvuć mirnyja i spakojnyja ludzi, jakija nie chočuć vajny.
Kaniušyk patłumačyŭ, što raźmiaściŭ videa na kanale, kab ludzi «apamiatalisia», pierastali padtrymlivać apazicyju, tamu što ŭ takim vypadku ŭźnikaje baraćba pamiž hramadzianami.
Jon taksama adznačyŭ, što daruje, kali Stacevič jaho abraziŭ, ale jahonyja abrazy ŭ bok Łukašenki daravać niemahčyma.
Abvinavaŭca zaprasiła dla Staceviča adzin hod pazbaŭleńnia voli ŭ kałonii strohaha režymu. U apošnim słovie Raman Stacevič pahadziŭsia, što źnievažać luboha čałavieka niapravilna. Adnak jon razmaŭlaŭ z čałaviekam sam-nasam.
«Atrymlivajecca, my adkacilisia na 70 hadoŭ nazad, kali možna cicha źniać čałavieka, jaki mnie nie dahodny, vyvieści jaho na pravakacyjnyja razmovy, zapisać heta i vykłaści na staroncy abo pajści ŭ milicyju. Nie było takoha, što Kaniušyk papiaredziŭ mianie, što jon błohier i zdymaje mianie. Publičnymi zapisy zrabiŭ mienavita Kaniušyk».
Sudździa Anton Dudal vynies prysud: dva hady chimii.
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam27
Kamientary