Afhanskija žančyny zapuścili fłešmob u sacsietkach suprać čornych chidžabaŭ i talibaŭ
Žančyny Afhanistana pościać zdymki ŭ nacyjanalnych strojach — jaskravych, šmatkalarovych. Takoje sapraŭdnaje nacyjanalnaje adzieńnie ŭ Afhanistanie, a nie čornyja chidžaby, jakija abaviazali nasić žančyn taliby, što pryjšli da ŭłady.
Pratestujučy suprać abmiežavańnia svaich pravoŭ žančyny Afhanistana zapuścili fłešmob u sacyjalnych sietkach z cheštehami #DoNotTouchMyClothes i #AfghanistanCulturie.
Abviaściła kampaniju Bachar Džałał, byłaja vykładčyca Amierykanskaha ŭniviersiteta Afhanistana. Jaje kalehi i inšyja žančyny padtrymali inicyjatyvu.
«Za ŭsiu historyju Afhanistana ni adna žančyna nie apranałasia padobnym čynam, — prakamientavała Džałał fota žančyny ŭ parandžy. — Ja raźmiaściła svaju fatahrafiju ŭ tradycyjnaj afhanskaj vopratcy, kab infarmavać, adukoŭvać i asprečvać dezynfarmacyju, jakaja raspaŭsiudžvajecca Talibanam.
Kamientary