Palitźniavolenuju Natallu Chierše pieraviaduć u mužčynskuju turmu ŭ Mahilovie
Pra heta Natalla Chierše paviedamiła ŭ liście svajmu bratu.
Jašče 24 vieraśnia sud Čyhunačnaha rajona Homiela razhledzieŭ spravu «Ab pieravodzie ŭ papraŭčuju ŭstanovu inšaha typu i źmianieńni ŭmoŭ režymu» palitźniavolenaj Natalli Chierše. Kudy nakirujuć žančynu — dakładna nie było viadoma. I voś ciapier brat žančyny daviedaŭsia ź lista, što jaje nakirujuć u mužčynskuju turmu ŭ Mahilovie.
Sprava ŭ tym, što ŭ Biełarusi niama asobnych turmaŭ dla žančyn.
«Naš kryminalna-pracesualny kodeks dapuskaje pieravod z papraŭčaj kałonii ŭ turmu na termin nie vyšejšy za try hady. Pakolki Chierše zastałosia adbyvać mienš, jana moža znachodzicca ŭ turmie da kanca pakarańnia», — tłumačyŭ dla «Našaj Nivy» juryst Hary Pahaniajła.
Pa słovach pravaabaroncy Paŭła Sapiełki, situacyja, kali asudžanuju pieravodziać z kałonii ŭ turmu, nadzvyčaj redkaja.
Jak praviła, žančyny znachodziacca prosta ŭ asobnych kamierach.
«Mužčyny-viaźni amal nie kažuć, što ŭ turmach byli žančyny. Hetyja vypadki stanavilisia nam viadomyja jak lehiendy: niechta čuŭ, što jany jość, nazyvali paru imionaŭ. Aficyjna statystyki nie było. Kali nie budzie žančyn u turmie, to Natalla budzie faktyčna ŭ adzinočcy», — kamientuje Sapiełka.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali7
Kamientary