Łukašenka abvinavaciŭ zamiežnyja siły ŭ biesparadkach u Kazachstanie, a metaj «napadu na Kazachstan» nazvaŭ žadańnie «patapić u kryvi Rasiju»
Jon skazaŭ heta padčas naviedvańnia na Božaje Naradžeńnie pravasłaŭnaha chrama ŭ Minsku.
«Śviatoje miesca pustym nie byvaje. Tak i adbyłosia ŭ Kazachstanie. Hetym skarystalisia zamiežnyja bandziuhi i rynulisia, pierš za ŭsio, na kvitniejučy poŭdzień. Vy chutka ŭbačycie. Heta była i jość sproba zamiežnaha ŭmiašańnia. Ciapier treba razabracca, chto za hetymi bandytami staić».
Za atakaj na Kazachstan, pavodle Łukašenki, staić meta «utapić u kryvi Rasiju».
«Kazachstan — heta sproba atakavać postsavieckija dziaržavy pa pierymietry Rasii. Im treba ŭtapić u kryvi Rasieju. Jašče raz paŭtaraju: kali abryniecca Rasieja, to my navat nie zaŭvažym, dzie my apyniemsia. Praz nas prosta pierastupiać. Jak ja kažu, u žornach pieramieluć i vyplunuć».
«Tamu čaho b ni kaštavała, nam treba zachavać centr našaj cyvilizacyi, centr našaha pravasłaŭja i nie tolki. Tyja ziemli, jakija siońnia znachodziacca ŭ składzie Rasijskaj Fiederacyi. Voś i ŭsia fiłasofija», — skazaŭ Alaksandr Łukašenka.
Dziasiatki zabitych, čyrvony ŭzrovień terarystyčnaj niebiaśpieki. Što adbyvajecca ŭ Kazachstanie 7 studzienia
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary