Premjer-ministr Raman Hałoŭčanka raskazaŭ siońnia ab mierach u adkaz ź biełaruskaha boku paśla spynieńnia tranzitu biełaruskaha kaliju praź Litvu. Praŭda, jakija miery, jon nie ŭdakładniŭ.
«Jany (litoŭcy) pakarali sami siabie. Mała taho, što i tak niebliskučaja ekanomika Litvy niasie vialikija straty, transpartnyja straty — i čyhunka, i port Kłajpiedski, što, ułasna kažučy, vyklikaje abureńnie tam, ale heta ich unutranaja sprava. My daŭno da hetaj situacyi rychtavalisia, my svaje pastaŭki pieraaryjentujem. Za košt bolš doŭhaha plača ŭ Rasii. My krychu zhubili ŭ maržynalnaści, ale jana budzie kampiensavanaja za košt suśvietnych cen», — raskazaŭ premjer.
Taksama Hałoŭčanka paviedamiŭ, što buduć spahnanyja adpaviednyja štrafy ŭ litoŭskich sudach.
«Miery ŭ adkaz buduć žorstkija, — skazaŭ premjer-ministr. — My, jak pryniata kazać, adkažam simietryčna.
Rašeńnie pryniataje, jano zakranie čyhunačny transpart, jaki jedzie z terytoryi Litvy.
My prapanavali litoŭskim kaleham dyjałoh pa hetym pytańni, dźviery nikoli nie začynienyja. My źviarnulisia z prapanovaj u pravavym poli pravieści kansultacyi i vyznačyć dalejšyja našy ŭzajemaadnosiny, bo Litva parušyła mižpravavoje pahadnieńnie, nie kažučy pra inšyja dakumienty, jakija rehulujuć pytańni tranzitu dla krain, jakija nie majuć vychadu da mora, jak dla Biełarusi. My prapanavali varyjant, i kali nie adkažuć, my ŭ najbližejšyja dni ŭviadziom miery ŭ adkaz. Heta buduć nie sankcyi, a miery ŭ adkaz», — skazaŭ Raman Hałoŭčanka.
-
U ekanamičnym płanie siaredniestatystyčny biełarus ciapier žyvie lepš, čym 6 hadoŭ tamu, a niemiec — nie. Jak takoje mahčyma?
-
Biełaruskija dalnaboi ŭ Jeŭropie: haračaja dyskusija ŭ sacsietkach pra toje, u jakoj krainie jany zarablajuć najbolš i majuć najlepšyja ŭmovy pracy
-
Kastryčnik, a fiermiery pad Hrodnam na ŭsiu moc źbirajuć kłubnicy. Dziakujučy novamu sortu
Ciapier čytajuć
Nasta Bazar pastupiła na prahramu Kalinoŭskaha i choča stać sacyjałahiniaj: «Vučoba paśla 40 hadoŭ — svojeasablivy eliksir maładości»65
Kamientary