Frytata — heta jaječnia z dadatkami. Vy možacie vykarystać u hetaj frytacie spahieci abo lubyja inšyja vidy makarony. Dadajcie kaŭbasu, viandlinu, hryby, pamidory čery ci inšuju harodninu — lubyja pradukty, što jość u vas u chaładzilniku.
Kab zrabić frytatu z makaronaj, vam spatrebicca:
- 2 čajnyja łyžki aleju
- pałova cybuliny (treba jaje tonka narezać)
- pierac (narežcie jaho)
- trochi tonka narezanaj kaŭbasy, hryboŭ abo viandliny, razrezanyja papałam tamaty, travy ci inšaja pryhatavanaja harodnina
- 275 hramaŭ varanaj makarony
- 50 hramaŭ luboha syru (patrycie jaho abo pakryšycie lubym inšym čynam)
- 6 jajek
- pałova čajnaj łyžki soli
- mołaty čorny pierac
1. Razahrejcie alej u patelni siaredniaha pamieru. Smažcie cybulu i pierac na praciahu 4—5 chvilin ci pakul jany nie pamiakčejuć i nie nabuduć karyčnievy koler. Dadajcie sumieś ź miasa, traŭ i harodniny i smažcie ŭsio jašče chvilinu, nie zabyvajučy pieramiešvać.
2. Dadajcie da sumiesi makaronu, pieramiašajcie ŭsio i prypraŭcie syram. Raźbicie jajki ŭ misku, dadajcie mołaty pierac i sol, pieramiašajcie.
3. Razahrejcie duchoŭku da 180 hradusaŭ. Vylicie jajki navierch na harodninu i makaronu, paśla čaho pastaŭcie patelniu ŭ duchoŭku. Vypiakajcie frytatu 10—15 chvilin ci da hatoŭnaści.
Recept na vychodnyja: soniečnaja šakšuka
Recept na vychadnyja: biezdakorny vienhierski sup-hulaš, jaki niemahčyma sapsavać
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»15
Kamientary