«Pačuvajecca zdavalniajuča». Advakat raspavioŭ, jak Uładzimir Mackievič trymaje haładoŭku
U paniadziełak, 7 lutaha, advakat naviedaŭ fiłosafa Uładzimira Mackieviča ŭ SIZA, i pieradaŭ na volu padrabiaznaści haładoŭki palitviaźnia.
Pavodle i advakata, paśla čatyroch dzion haładoŭki Uładzimir Mackievič «u cełym pačuvajecca zdavalniajuča» i znachodzicca «ŭ roŭnym nastroi», bo padrychtavaŭ siabie i maralna, i fizična da hetaha vyprabavańnia. Administracyja SIZA stavicca da fakta haładoŭki karektna i ŭ ramkach standartnych normaŭ i pracedur: zafiksavała fakt haładoŭki, Uładzimira naviedvali dziažurny ŭrač i psichołah śledčaha izalatara, paviedamlaje «Novy čas».
Uładzimir Mackievič taksama paviedamiŭ, što haładoŭka budzie praciahvacca, pakul nie adbuducca «kankretnyja dziejańni, jakija štości sapraŭdy źmieniać u jaho spravie», a nie tolki «pustyja słovy i abiacańni».
Takim dziejańniami moža być rašeńnie ab źmienie miery strymańnia.
Nahadajem, Uładzimir Mackievič byŭ aryštavany 4 žniŭnia 2021 hoda. Užo paŭhoda jon znachodzicca pad aryštam pa abvinavačvańni ŭ «arhanizacyi i padrychtoŭcy dziejańniaŭ, jakija hruba parušajuć hramadski paradak» (č. 1 art. 342 KK RB). Fiłosaf admoviŭsia ad ježy z 4 lutaha i płanuje haładać da vykanańnia patrabavańniaŭ. U vypadku nievykanańnia, pa zakančeńni 10 dzion, jon piarojdzie da suchoj haładoŭki.
-
U Polščy pačaŭsia sud nad bandaj padpalščykaŭ i handlaroŭ zbrojaj, jakich najmali rasijskija śpiecsłužby. Siarod abvinavačanych troje biełarusaŭ
-
U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
-
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary