Palitviaźniu Illu Mironavu, što napisaŭ 2500 listoŭ źniavolenym, nie prapuskajuć listy z voli
Maci viaźnia Valancina Mironava atrymała list ad syna, datavany 3 sakavika. Illa piša, što apošni raz listy z voli atrymlivaŭ jašče ŭ lutym, piša «Novy čas».
Illa sam šmat kamu piša, ale adkazaŭ nie atrymlivaje: «Baču, niešta nie toje». Častku listoŭ, jak viaźniu paviedamiŭ apieratyŭny rabotnik, pieradali śledčamu. Infarmacyi pa spravie taksama niama, Illa navat nie viedaje, chto jaho śledčy.
Termin utrymańnia viaźnia pad vartaj praciahnuty da 30 sakavika
Homielski vałancior Illa Mironaŭ, jaki taksama viadomy tym, što napisaŭ bolš za 2500 listoŭ palitviaźniam, byŭ zatrymany 30 vieraśnia pa kryminalnaj spravie, zaviedzienaj za kamientaryi ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka.
Illa prachodzić pa kryminalnaj spravie pa artykułach 369 KK (abraza pradstaŭnika ŭłady) i 130 KK (raspalvańnie sacyjalnaj varožaści).
U źniavoleńni ŭ Illi rezka pahoršyłasia zdaroŭje. «Jamu ciažka psichałahična, šmat prablem sa zdaroŭjem, navat niejkija ŭkoły jamu robiać, vialikija prablemy z vačyma», — raspaviadała maci viaźnia.
Čytajcie taksama:
«Bajusia, mahu nie datryvać da suda»: źniavoleny vałancior Mironaŭ, što adpraviŭ 2500 listoŭ palitviaźniam, dasłaŭ list adčaju
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22
Kamientary