Adklučany ad SWIFT Biełahraprambank uvioŭ žorstkija limity na źniaćcie valuty z kartak
Z 14 sakavika u valucie možna źniać nie bolš za 100 dalaraŭ u miesiac. Limity dziejničajuć jak u Biełarusi, tak i za miažoj, piša «Zierkało».
Abmiežavańni dziejničajuć pry źniaćci najaŭnaj valuty, pieravodach praź sistemy dystancyjnaha bankaŭskaha absłuhoŭvańnia, infakijoski, bankamaty, apłacie ŭ anłajn-kramach. Heta značyć, z rublovaj kartki nielha patracić bolš za 100 dalaraŭ u miesiac — ni źniać, ni apłacić tavary, naprykład, u zamiežnaj internet-kramie.
Pry hetym dla valutnych kartak na terytoryi Biełarusi ŭviali limit u 100 dalaraŭ za miesiac tolki na źniaćcie najaŭnych hrošaj z adnoj karty. Na bieznajaŭnyja apieracyi niama abmiežavańniaŭ.
Bank taksama ŭvioŭ abmiežavańni na vykarystańnie kartak za miažoj. Jak dla rublovych, tak i dla valutnych kartak uviali limit u 100 dołaraŭ za miesiac na źniaćcie najaŭnych hrošaj. Na bieznajaŭnyja apieracyi niama abmiežavańniaŭ.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary