«Oj u łuzi čiervona kalina». Hałoŭnyja pieśni ŭkrainskaha zmahańnia AŬDYJA
U vajny va Ukrainie jość svoj saŭndtrek. Adny pieśni byli napisanyja pad upłyvam trahičnych padziej, inšyja — raniej, ale atrymali druhoje žyćcio paśla rasijskaha ŭvarvańnia. Sabrali hałoŭnyja chity, jakija ŭžo ŭvajšli ŭ historyju.
Dyskłejmier: U niekatorych pieśniach jość niecenzurnaja leksika i abrazy. Heta niepryvabny, ale naturalny bok vajny.
PROBASS ∆ HARDI — «DOBROHO VIEČORA» (WHERE ARE YOU FROM?)
Trek z kultavaj frazaj «Dobroho viečora, mi z Ukrajini» źjaviŭsia ŭ kastryčniku minułaha hoda. Jaho stvaralniki — DJ ProBass (Arciom Tkačenka) i DJ Hardi (Maksim Makrenka) z Kramienčuha. Samu frazu ŭziali ź intervju Marka Hałanieviča, vakalista papularnaha ŭkrainskaha hurta «DachaBracha».
Da vajny pieśnia stała papularnaj u Tyktoku, a status kultavaj nabyła paśla ratacyi ŭ telemarafonie ŭkrainskich telekanałaŭ i vajennych videazvarotach kiraŭnika Mikałajeŭskaj vobłaści Vitala Kima.
«Jon što, tuju bombu na rovary viazie?» Vialikaja padborka miemaŭ i tyktokaŭ pra vajnu va Ukrainie
Maks Barskich — «Budie viesna»
Papularny pop-śpiavak spačatku zmahaŭsia na infarmacyjnym froncie, zabaraniŭšy vykonvać i inakš vykarystoŭvać svaje pieśni na terytoryi Rasii, a taksama zapisvajučy emacyjnyja zvaroty da svaich kaleh z Rasii.
Na minułym tydni Barskich apublikavaŭ fota ŭ vajskovaj formie i zajaviŭ, što dałučyŭsia da USU.
Kalush Orchestra — Stefania
Pieśnia, jakaja pradstavić Ukrainu na «Jeŭrabačańni», i stała saŭndtrekam tysiač tyktok-videa pra hieraizm ukraincaŭ.
Stefania pryśviečanaja maci liryčnaha hieroja i pryjemnym uspaminam pra jaje.
Kalush — «Dodomu»
Letašniaja pieśnia pra sum pa rodnych miaścinach nabyła novy sens paśla pačatku vajny: u kamientaryjach da videa ludzi pišuć, što słuchajuć hetuju pieśniu ŭ akopach ci ŭ vymušanaj emihracyi. I ŭsie spadziajucca, što chutka viernucca dadomu.
Siarhiej Babkin — «Ja sołdat» (2022)
Udzielnik 5'nizza praz 20 hadoŭ pieraśpiavaŭ hałoŭny chit hurta. Ciapier jon nie pra strašnuju biessensoŭnaść vajny, a pra hieraičnaje zmahańnie ŭkraincaŭ suprać Rasii.
«Biełarusam budzie vielmi soramna dy horka za toje, što jany nie zdoleli ničoha zrabić». Hutarka z muzykam Siarhiejem Babkinym
Taras Baravok — «Bajraktar»
Vajna ŭzbahaciła ŭkrainskuju movu nazvami zachodniaha ŭzbrajeńnia. U honar amierykanskaha supraćtankavaha kompleksa «Džavielin» navat nazyvajuć dziaciej.
A supierefiektyŭnym tureckim bieśpiłotnikam pryśviačajuć pieśni.
Andrej Chłyŭniuk & The Kiffness — «Oj u łuzi čiervona kalina»
U pieršyja dni vajny lidar «Bumboksa», jaki dałučyŭsia da terabarony, zaśpiavaŭ viadomy marš siečavych stralcoŭ na pustoj Safijskaj płoščy Kijeva.
Hetaja pieśnia ŭ saviecki čas była zabaronienaja za jaje radki pra vyzvaleńnie bratoŭ-ukraincaŭ ad maskoŭskich kajdanaŭ. Jaje znoŭ stali vykonvać u kancy 1980-ch.
Videabłohier i dydžej z Paŭdniova-Afrykanskaj Respubliki The Kiffness zrabiŭ remiks na śpieŭ Chłyŭniuka. Na pačatak krasavika ŭ jaho bolš za 5 miljonaŭ prahladaŭ.
Śpieŭ frontmena «Bumboksa» vykarystali lehiendarnyja Pink Floyd, kab zapisać svoj pieršy z 1994 hoda sumiesny trek.
Chryścina Sałaviej — «Ukrajinśka luť»
Papularnaja śpiavačka zrabiła svaju viersiju pieśni italjanskich partyzanaŭ. Druhuju chvalu papularnaści nabyła i inšaja pieśnia Chryściny Sałaviej — «Trimaj».
Rusia — «Zaručiena» («Nie stij pid viknom»)
Pieśnia 1989 hoda ź pieršaha pop-alboma na ŭkrainskaj movie śpiavački Rusi stała saŭndtrekam dla miemaŭ z rasijskim pałonnym vajskoŭcam Andrejem Razancavym.
Fota stała miemam — na im vajskoviec vyhladaje małym i niesamavitym, jamu navat prydumali mianušku Čmonia.
Na videa Razancava ŭstaŭlajuć u roznyja žyćciovyja situacyi, čaściej za ŭsio pad pieśniu Rusi. Taksama tyktokiery apranajucca «ŭ styli Čmoni» i zapisvajuć takija roliki.
Watch on TikTok
Jockii Druce — «Šo vi brattia»
Ukrainski repier jockii druce praz svaju pieśniu źviarnuŭsia da ŭkraincaŭ. Kali karotka i biez maciukoŭ: ukraincam, niahledziačy na vajnu, nie varta zasmučacca, a treba ŭziać siabie ŭ ruki i taksama pamiatać, što pryhažość ukraincaŭ — heta hałoŭnaja siła.
KAZKA — I am not OK
U hurta KAZKA vyjšła pieśnia pra toje, praz što davodzicca prachodzić ciapier ukraincam u ich baraćbie z rasijskimi zachopnikami.
Videa pačynajecca z voju siren, jaki łunaje pa ŭsioj krainie, taksama demanstrujucca kadry vybuchaŭ i nastupstvaŭ rakietnych udaraŭ.
Travinskiy — «Dušu j tiło»
Śpiavak Bahdan Stravinski pieraasensavaŭ radki himna Ukrainy i zrabiŭ kranalny chit.
MC PAPA — VOVA ji**sh jich Bl**d'
Kryk dušy adyjoznaha prezidenta futbolnaha kłuba «Inhulec» Alaksandra Pavaraźniuka, jakim jon zaklikaje Uładzimira Zialenskaha bić vorahaŭ, byŭ pakładzieny na elektronnuju muzyku.
Niekatoryja frazy Pavaraźniuka stali narodnymi.
«Odin v kanoje» — «U mienie niemaje domu»
Heta hałoŭny chit ukrainskaha hurta, jaki praz try hady paśla relizu znoŭ staŭ vielmi aktualnym. U klipie chłopčyk praź nieparazumieńnie z baćkami sychodzić z domu, kab vandravać sa svaimi ŭjaŭnymi siabrami. Ale navat u fantastyčnych istot jość svoj dom, u jaki jany viartajucca, a ŭsio padarožža — heta zamknionaje koła, jakoje rana ci pozna znoŭ pryvodzić usich dadomu.
Bonus. Cypis — Putin
Polski repier staŭ viadomym dziakujučy pieśni pra narkotyki, jakaja stała saŭndtrekam miema pra karovu, jakaja tancuje. Paśla pačatku vajny va Ukrainie Cypis zapisaŭ pieśniu, u jakoj vykazaŭsia pra prezidenta Rasii. Tekst pryvodzić nie budziem.
KSLV — Disaster
U Tyktoku možna znajści tysiačy videa pracy Uzbrojenych sił Ukrainy pad hety chit sacsietak.
Watch on TikTok
Bijahrafija muzykanta źjaŭlajecca tajamnicaj, niešta znajści pra jaho vielmi składana.
Demi Lovato — Cool for the Summer (TikTok Remix)
Jašče adzin chit Tyktoka. Pad hetuju pieśniu Alaksiej Arastovič abjaŭlaje ab adboi pavietranaj tryvohi, a Vital Kim — tancuje pad słovy «Vsie budie dobrie!».
Watch on TikTok
Kab było zručna słuchać, sabrali ŭsie pieśni ŭ adzin płej-list.
Ciapier čytajuć
Vyśvietlili, dzie adbyvaŭsia «dopyt» kalinoŭca Vasila Hračychi13
Kamientary