«Adzinaje rašeńnie — nieadkładnaja kapitulacyja ŭkrainskich uładaŭ». Deputat Savinych vystupiŭ z zajavaj
Staršynia Pastajannaj kamisii Pałaty pradstaŭnikoŭ pa mižnarodnych spravach Andrej Savinych uziaŭ udzieł u anłajn-pasiadžeńni Parłamienckaj asamblei ABSIE, pryśviečanym roli arhanizacyi va ŭrehulavańni kanfliktu va Ukrainie i jaho nastupstvaŭ.
Savinych abvinavaciŭ krainy NATA ŭ pieradačy Ukrainie ŭzbrajeńnia, raźviedvalnaj infarmacyi i dopusku svaich hramadzian dla ŭdziełu ŭ vajennym kanflikcie na baku Ukrainy. Heta, na dumku deputata, «prynosić dadatkovyja pakuty prostym hramadzianam Ukrainy».
«Składvajecca ŭražańnie, što adzinym rašeńniem uzbrojenaha kanfliktu na Ukrainie moža stać tolki nieadkładnaja kapitulacyja ŭkrainskich uładaŭ», — skazaŭ Savinych.
Na jaho dumku, hety krok dazvolić Rasii pravieści denacyfikacyju Ukrainy, akazać dapamohu ŭ praviadzieńni novych vybaraŭ, dla nazirańnia za jakimi budzie zaprošanaja i PA ABSIE, i inšyja mižnarodnyja naziralniki.
«Heta šlach stvareńnia suvierennaj Ukrainy, svabodnaj ad cisku zamiežnych centraŭ, svabodnaj ad dyktatu ekstremisckich i aliharchičnych struktur, jakija finansujucca źniešnimi siłami za košt rabavańnia ŭkrainskaha naroda», — zajaviŭ Savinych.
Taksama jon zajaviŭ, što «paśla kapitulacyi» pytańnie adnaŭleńnia Ukrainy budzie vyrašanaje za košt zachodnich dziaržaŭ, jakija pastaŭlali Ukrainie ŭzbrajeńnie.
Zakonnaść napadu na suvierennuju dziaržavu i fakty vykaranieńnia ŭsiaho ŭkrainskaha na akupavanych terytoryjach Savinych praihnaravaŭ.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary