Pałata pradstaŭnikoŭ u pieršym čytańni pryniała źmieny ŭ KPK ab zavočnym kryminalnym pieraśledzie i sudach. U Biełarusi źjavicca instytut «śpiecyjalnaj vytvorčaści».
U prajekcie vykładzieny paradak dasudovaj vytvorčaści i sudovaha razhladu kryminalnych spraŭ u dačynieńni da abvinavačanaha, jaki znachodzicca pa-za miežami Respubliki Biełaruś.
Jon budzie raspaŭsiudžvacca na spravy pa artykułach ab złačynstvach:
suprać miru i biaśpieki čałaviectva,
suprać dziaržavy,
šerahu inšych złačynstvaŭ, jakija pryvodziać da pahrozy nacyjanalnaj biaśpiecy.
Prajektam praduhledžana, što viadzieńnie kryminalnaj spravy mahčymaje, kali abvinavačany ŭchilajecca ad jaŭki, u jaho vydačy admoŭlena inšaj krainaj, abo na praciahu šaści miesiacaŭ nie atrymany adkaz na zapyt ab vydačy.
Taksama praduhledžvajecca praviadzieńnie śpiecyjalnaj vytvorčaści biez zapytu ab vydačy. Takuju pastanovu moža vydać Hienprakuror, albo staršynia SK, KDB sa zhody Hienprakurora.
Siońnia Śledčy kamitet zajaviŭ, što Polšča admoviła Biełarusi ŭ vydačy Ściapana Puciły, a Litva — u vydačy Śviatłany Cichanoŭskaj.
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary