Ad 29 tysiač dalaraŭ. Jak vyhladajuć i kolki kaštujuć samyja tannyja kvatery Minska
«Naša Niva» ŭžo rabiła ahlad samych darahich kvater u Minsku i abłasnych centrach. Hetym razam my vyvučyli samyja tannyja prapanovy stalicy.
Kvatera biez prapiski
Samaja tannaja kvatera ŭ Minsku vystaŭlena na prodaž za 29 tysiač dalaraŭ. Stolki prosiać za adnapakajoŭku ahulnaj płoščaj 16 m². Jana mieścicca na pieršym paviersie 9-paviarchovika 1974 hoda pabudovy pa adrasie Anharskaja, 20.
Niahledziačy na toje, što heta samaja tannaja prapanova, kvatera nie padobnaja da typovaha «babušatnika», dzie ramont apošni raz rabili ŭ andropaŭskija časy.
«Pradajecca pamiaškańnie z vydatnym ramontam, meblaj i bytavoj technikaj. Fota adpaviadaje realnaści», — havorycca ŭ apisańni.
Kvatera adrazu hatovaja dla žyćcia, ale bieź niuansaŭ tut nie abyšłosia. Ź jurydyčnaha punktu hledžańnia heta nie kvatera, a administracyjnaje pamiaškańnie. Tamu žyć u joj, jak u zvyčajnyj kvatery možna, a prapisacca — nie.
«Sučasnaja plitka ŭ sanvuźle»
Samaja tannaja z kvater, dzie možna atrymać staličnuju prapisku, pradajecca za 32 000 $. Ale, u adroźnieńnie ad papiaredniaha varyjanta, žyć tut adrazu niemahčyma. Tamu pieršapačatkova daviadziecca radavacca tolki prapiscy pa adrasie vulica Pieradavaja, 5.
Ahulnaja płošča składaje 21,1 m², žyłaja — 11,9 m², płošča kuchni — 5 m². Kvatera mieścicca na trecim paviersie piacipaviarchovaha doma.
«Adnapakajovaja kvatera pad ramont. U sanvuźle sučasnaja plitka», — apisvaje pradaviec.
Cehła — daŭhaviečny materyjał
Za 32 900 dalaraŭ u Minsku pradajecca kvatera z asobnaj kuchniaj, kładoŭkaj i bałkonam. Ahulnaja płošča 20,7 m², žyłaja — 11,3.
Choć pradaviec i nie zahruziŭ foty kvatery, zatoje nie paskupiŭsia na apisańnie pieravah, jakija daje cehła.
«Cehła — daŭhaviečny materyjał, jaki maje vydatnuju huka— i ciepłaizalacyju, što dazvolić vam žyć u cišyni i spakoi mnohija hady», — tak haspadar rekłamuje dom 1971 hoda pabudovy na Masiukoŭščynie.
Kvatera z «narmalnym ramontam»
U 33 900 dalaraŭ acanili adnapakajoŭku ahulnaj płoščaj 32,1 m² (žyłaja płošča — 18,2 m²). Kvatera mieścicca na apošnim paviersie 5-paviarchovika 1970 hoda pabudovy. U 2020-m dom pieražyŭ kapitalny ramont.
«Prastorny kvadratny pakoj. Kvatera z narmalnym ramontam, ustalavany draŭlanyja škłopakiety, na padłozie łaminat», — skazana ŭ apisańni. Škada tolki, što acanić, što ŭ razumieńni pradaŭca źjaŭlajecca «narmalnym ramontam», niemahčyma. Z fota — tolki vid doma zvonku.
«Susiedzi-piensijaniery, viaduć zdarovy ład žyćcia»
Na Kurasoŭščynie za 34 500 dalaraŭ pradajecca dvuchpakajovaja kvatera ŭ starym draŭlanym domie. Za hetyja hrošy vy atrymajecie nie tolki častku doma, ale jašče i prylehły ŭčastak pamieram 4,5 sotki.
«Dom u dobrym stanie. U kvatery hazavaje aciapleńnie, tualet, vanna, elektraplita, sklep. Usie kamunikacyi centralnyja. Kvatera ŭ dvuch uzroŭniach, z mahčymaściu pašyreńnia žyłoj płoščy na druhim uzroŭni. Bałkon. Paŭdniovy bok. Stajanka dla mašyny. Susiedzi-piensijaniery, viaduć zdarovy ład žyćcia», — pišacca ŭ abjavie.
Interjer prykładna taki, jak u viaskovych chatach, ale kali vy nie baiciesia prykłaści ruki i majecie hrošy na ramont, z doma možna zrabić niešta hodnaje. Hałoŭnaje — paśpieć skončyć ramont da taho času, jak hety rajon pryvatnaj zabudovy pojdzie pad znos.
«Kamfortny mikraklimat u lubuju paru hoda»
Na Frolikava, 25 pradajecca jašče adna kvatera ŭ biudžecie da 35 tysiač dalaraŭ. Kvatera z ahulnaj płoščaj 31 m² mieścicca na čaćviertym paviersie čatyrochpaviarchovika.
U apisańni da hetaj kvatery šmat uvahi nadajecca cehle, ź jakoj pabudavany dom. Pradaviec nazyvaje jaje adnym ź lepšych materyjałaŭ dla budaŭnictva, jaki zabiaśpiečyć vam kamfortny mikraklimat u kvatery ŭ luby čas hoda.
«Stan kvatery praduhledžvaje ramont u adpaviednaści z vašymi hustami», — havorycca ŭ apisańni.
Novym haspadaram abiacajuć pakinuć usiu nieabchodnuju bytavuju techniku: chaładzilnik, pralnuju mašynu, hazavuju plitu i kuchonnuju vyciažku.
Čytajcie taksama:
Kolki kaštujuć i jak vyhladajuć samyja darahija kvatery abłasnych centraŭ? Interjer niekatorych vas urazić
Kolki kaštujuć i jak vyhladajuć samyja darahija kvatery Minska
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA75
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary