Heta ŭžo vośmy kastynh sa žniŭnia 2020 hoda, kali teatr pakinuła bolšaść akcioraŭ i rabotnikaŭ.
Kastynh pačniecca 14 červienia a 12-j hadzinie.
Dla adboru zaprašajucca prafiesijnyja artysty. Uzrostavaja katehoryja ad 21 da 70 hadoŭ. «Kali Vy talenavityja i žadajecie pracavać na hałoŭnaj dramatyčnaj scenie našaj krainy — prychodźcie! Prafiesijnaja adukacyja i vałodańnie biełaruskaj movaj — abaviazkova!» — havorycca na sajcie teatra.
U žniŭni 2020 hoda kupałaŭcy publična asudzili samavolstva i hvałt siłavikoŭ u dačynieńni da mirnych demanstrantaŭ, paśla čaho byŭ zvolnieny dyrektar teatra Pavieł Łatuška. U znak salidarnaści ź im Kupałaŭski teatr pakinuła bolšaść akcioraŭ i supracoŭnikaŭ (režysiory, redaktary, administratary, muzykanty arkiestra dy inš.), amal 60 čałaviek. Častka ź ich stvaryła niezaležnuju hrupu «Kupałaŭcy».
Ciapier na sajcie teatra paznačanaja infarmacyja pra 26 akcioraŭ, mastackim kiraŭnikom źjaŭlajecca Volha Niafiodava. U repiertuary teatra šeść śpiektaklaŭ.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary