Uładzimiru Mackieviču vynieśli prysud — 5 hadoŭ uzmocnienaha režymu
Minski haradski sud prysudziŭ fiłosafu, stvaralniku «Latučaha ŭniviersiteta» Uładzimiru Mackieviču 5 hadoŭ uzmocnienaha režymu.
Palitźniavolenaha fiłosafa abvinavacili pavodle troch artykułaŭ Kryminalnaha kodeksa:
č. 1 art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak),
č. 1 art. 361-1 (stvareńnie ekstremisckaha farmavańnia),
č. 1 art. 368 (abraza Łukašenki).
Spravu Mackieviča razhladaŭ Siarhiej Jepichaŭ. Jon ža raniej vynosiŭ rašeńni pa spravie Maryi Kaleśnikavaj i Maksima Znaka.
Uładzimir Uładzimiravič Mackievič — biełaruski fiłosaf i mietadołah, stvaralnik «Latučaha ŭniviersiteta».
Byŭ zatrymany 4 žniŭnia 2021 hoda paśla vobšuku ŭ domie ŭ miežach kryminalnaj spravy. Jamu vystavili abvinavačvańnie ŭ «arhanizacyi dziejańniaŭ, jakija hruba parušajuć hramadski paradak» (art. 342 KK).
Patrabujučy źmianić mieru strymańnia na padpisku ab niavyjeździe, zaviaršyć śledčyja dziejańni i pryznačyć datu sudovaha razhladu, Uładzimir abviaściŭ z 3 lutaha 2022 h. haładoŭku, z 15 lutaha — «suchuju haładoŭku». Uviečary 16 lutaha Mackievič zaviaršyŭ haładoŭku. Pavodle jaho słoŭ, jakija pieradaŭ advakat, «sprava zrušyłasia ź miortvaj kropki».
Razhlad spravy Uładzimira pačaŭsia ŭ zakrytym režymie 9 červienia 2022 h. u Minskim abłasnym sudzie.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary