«Tolki z Hiermanii, biez prabiehu pa Biełarusi». Jakija luksavyja aŭtamabili biełarusy pryhaniajuć dla pieraprodažu
Pierahonščyki zajaŭlajuć, što ciapier vialiki popyt na darahija aŭto. A pradaŭcy staličnaha aŭtarynka «Malinaŭka» śćviardžajuć, što kala 80% kupcoŭ — z RF. «Naša Niva» vyrašyła pahladzieć, jakija luksavyja aŭtamabili biełarusy haniajuć na pieraprodaž dla klijentaŭ ź Biełarusi i Rasii.
Porsche Cayenne III
Samym darahim aŭtamabilem u prodažy z paznakaj «biez prabiehu pa RB» źjaŭlajecca Porsche Cayenne III, 2019 hoda vypusku. Aŭtamabil acenieny ŭ 106 000 dalaraŭ. Usiedarožnik pryjechaŭ da nas sa Štataŭ, aŭtamabil tam nabyli na aŭkcyjonie jašče ŭ kancy vieraśnia minułaha hoda. Pa infarmacyi, jakuju možna atrymać pa VIN-numary, aŭtamabil mieŭ lehkija paškodžani pa pravaj častcy kuzava.
«Vydatny stan! Aŭtamabil ablepleny antyhravijnaj achoŭnaj plonkaj. Pakryty kieramikaj. Bahataja kamplektacyja! Mahčymy vyjezd da dylera albo na lubuju vašu STA», — apisvajuć pradaŭcy aŭtamabil.
BMW X5
Krychu tańniej, čym za 100 tysiač dalaraŭ, pradajuć trochhadovy BMW X5 z dyzielnym ruchavikom pad kapotam. Aŭtamabil pryhnany z Hiermanii, na fota ŭ abjavie jon usio jašče na niamieckich tranzitnych numarach. Pradaviec śćviardžaje, što aŭtamabil uvieś u zavadskoj farbie. Aproč heta źviartaje ŭvahu na datu pieršaj rehistracyi aŭtamabila, ź jakoj vynikaje, što ŭsiedarožnik u Hiermanii pačali ekspłuatavać z červienia 2019-ha. Praŭda, data vytvorčaści, zhodna z ukazanym u abjavie VIN-numaram, śviedčyć ab tym, što z kanviejera hety BMW syšoŭ u žniŭni 2018 hoda. Tamu vialikaja vierahodnaść, što ŭ biełaruskim techpašparcie ŭ hrafie «hod vypusku» źjavicca ličba 2018.
Tym nie mienš, mahčymaja niedakładnaść u pytańni hoda vypusku i daty pieršaj rehistracyi — nie adzinaja zaŭvaha da hetaj abjavy. Sprava ŭ tym, što ŭ apisańni paznačana, što ŭ hetaha BMW pad kapotam ruchavik abjemam 5.0. Na spravie, choć madel i maje nazvu 50d, ruchavik tam maje abjom 3 litry.
BMW 7
Treciaje miesca pa darahoŭli taksama zajmaje aŭtamabil bavarskaj marki. Za 94 777 dalaraŭ u Minsku pradajuć BMW 7 sieryi 2020 hoda vypusku. Pad kapotam u «siamiorki» taksama trochlitrovy dyziel, tolki mienšaj mahutnaści, čym u Ch5, apisanym vyšej.
Pradaviec adznačaje, što siedan znachodzica ŭ stanie novaha aŭto, maje aryhinalny prabieh i afarboŭku. Ź infarmacyi, jakuju ŭdałosia atrymać praz VIN, vyhladaje, što tak jano i jeść. Siarod inšaha pradaviec paznačyŭ, što moža dapamahčy z afarmleńniem mašyny na RF.
Audi Q8
Nastupnyja try pazicyi pa darahoŭli zajmajuć adrazu try Audi Q8.
Najdaražejšaja ź liku Q8 aceniena ŭ 93 600$. Stolki prosiać za śviežapryhnany aŭtamabil 2019 hoda vypusku z prabieham 101 tysiača kiłamietraŭ.
«Vydatny stan, biez prabiehu pa RB. Maksimalnaja kamplektacyja S-Line», — havorycca ŭ apisańni da samaj darahoj Audi.
Dalej pa canie idzie šerah BMW X G05 pa cenach ad 75 da 84 tysiač dalaraŭ.
Audi A6
Raznastajvaje vybar siarod usiedarožnikaŭ ad Audi Q8 i BMW X5 «zaradžany» siedan Audi A6 C8 S-line. Za aŭtamabil prosiać 68 tysiač dalaraŭ. U apisańni paznačana, što mašyna pradajecca ŭ Minsku, ale fota na tranzitnych numarach 4-ha rehijona zroblena ŭ Hrodnie.
Pad kapotam u Audi 3-litrovy ruchavik. Pradaviec adznačaje, što mašyna biez prabiehu pa Biełarusi, i prosić sałony jaho nie turbavać.
Mercedes-Benz CLS
Na fonie mašyn z 3-litrovymi ruchavikami vyłučajecca Mercedes-Benz CLS 2018 hoda vypusku, pad kapotam u jakoha dyzielny ruchavik abjomam dva litry. Čatyrochhadovy Mercedes aceńvajuć u 67 500$.
Autamabil pryjechaŭ u Biełaruś ź Bielhii, u abjavie taksama paznačana, što jon biez prabiehu pa Biełarusi i RF.
«Bahataja kamplektacyja, vydatny stan, biezavaryjnaje minułaje», — havorycca ŭ apisańni. Pradaviec hatovy handlavacca.
Toyota Highlander IV
U śpisie darahich aŭto z paznakami «biez prabiehu pa RB» jość jašče adzin «bitok» sa Štataŭ.
Za Toyota Highlander IV 2020 hoda vypusku prosiać 65 700$. U abjavie paznačana, što prabieh aŭtamabila składaje 7000 km, ale pa fota prybornaj paneli vidać, što mašyna prajechała jak minimum 8487 km. Roźnica nie istotnaja, tym bolš, što prabieh sapraŭdy vielmi maleńki, ale takija niedakładnaści ŭ pary z padmanam u apisańni nie dadajuć davieru.
«Stan novaha aŭtamabila», — havorycca ŭ apisańni. Ale prostaja pravierka pa ŭkazanym VIN-numary vydaje, što ŭsiedarožnik, jaki nibyta znachodzicca ŭ novym stanie, paśpieŭ pabyvać u DTZ.
U sakaviku 2021 hoda jon byŭ pradadzieny na adnym sa strachavych aŭkcyjonaŭ u ZŠA. U jaho byli paškodžańni piaredniej levaj častki kuzava i dvuch dźviarej na baku kiroŭcy. Prabieh na toj momant składaŭ 3618 mil (kala 5822 km.)
Kamientary
dorohi vied́ tam očień uzkije
no zato kakaja širokaja u nich ̷p̷ zda ) da?
Satan, a v kakoj stranie bardieli samyje łučšije? nu prosto opyt choču pierieniať
nu nie znaju... mnie dokładyvali nieskolko druhoje... čto dorožniki niemieckije ležat kuriat na obočinie razdołbannoho niemieckoho avtobana, a trava vdol avtobanov niepokošiena davno voobŝie